Ümumdünya Səhiyyə Təşkilatı (ÜST) ölkələri ağcaqanadlar vasitəsilə yayılan Çikunqunya virusunun sürətlə qlobal yayılmasına qarşı erkən tədbirlər görməyə çağırıb.
Elchi.az xəbər verir ki, ÜST 20 il əvvəl Hind okeanında baş vermiş böyük epidemiyadan əvvəl müşahidə edilən eyni erkən xəbərdarlıq əlamətlərini müəyyən etdiyini və oxşar böhranın yenidən baş verməsinin qarşısını almaq üçün təcili tədbirlərin görülməsi lazım olduğunu bildirdi.
119 ölkədə 5,6 milyard insan risk altındadır
Ümumdünya Səhiyyə Təşkilatının texniki əməkdaşı Diana Rojas Alvarez virusun şiddətli oynaq ağrılarına və yüksək hərarətə səbəb olduğunu və bəzi hallarda ölümcül ola biləcəyini vurğulayaraq, “Çikungunya geniş şəkildə tanınmasa da, bu günə qədər 119 ölkədə aşkarlanıb və bu, bütün dünyada 5,6 milyard insanı risk altında qoyub”. Keçmişin izləri yenidən üzə çıxır.
Alvarez, 2004-2005-ci illər arasında Hind okeanındakı kiçik ada dövlətlərində başlayan və sürətlə qlobal miqyasda yayılan, yüz minlərlə insana təsir edən epidemiyanı xatırladaraq, oxşar nümunənin yenidən ortaya çıxdığını qeyd etdi.
“2025-ci ilin əvvəlindən Reunion, Mayotte və Mavrikiy adalarında irimiqyaslı çikunqunya epidemiyaları qeydə alınıb. Reunion adasında əhalinin üçdə birinin bu xəstəliyə yoluxduğu təxmin edilir”, – o deyib.
Şayəstə Hüseynova
