Hizbullah baş katibi Naim Kasım İsrailin Livanın daxili işlərinə qarışa bilməyəcəyini ifadə edərək, “Silahlarımızı İsrailə təhvil verməyəcəyik” mesajını verib.
Elchi.az xəbər verir ki, Kasım, paytaxt Beyrutda keçirilən Məhərrəmlik tədbirləri çərçivəsində etdiyi çıxışda, “İsrailin birlikdə həll etdiyimiz məsələlərdə söz sahibi deyil və razılaşmalarımızı izləyə bilmir” dedi.
Xüsusilə atəşkəs imzalandıqdan sonra İsrailin hücumlarını davam etdirdiyini müdafiə edən Kasım, “İsrail atəşkəsi 3700-dən çox dəfə pozaraq bölgədəki təcavüzkar mövqeyini davam etdirdi” dedi.
Baş katib Kasım da Hizbullahı tərksilah etmək üçün edilən təzyiqlərə sərt reaksiya göstərərək, “Biz zillətə sürüklənməyi qəbul etməyəcəyik, torpaqlarımızı təslim etməyəcəyik, silahlarımızı da İsrail düşməninə təslim etməyəcəyik” dedi. Hizbullahın İsraili təkcə Livan üçün deyil, Fələstin, Misir, Suriya, İordaniya və bütün bölgə üçün “strateji təhdid” olaraq gördüyünü qeyd edən Kasım, “İsrail təkcə bizim üçün deyil, xristianlar, yəhudilər, amerikalılar və bütün dünya üçün təhlükədir” dedi.
Hizbullahın baş katibi Kasım iyunun 29-da verdiyi açıqlamada, İsrailin Livanın cənubuna hücumlarını davam etdirdiyi bir mühitdə Hizbullahın silahlarını yerə qoymasından söhbət gedə bilməyəcəyini bildirib.
ABŞ-ın Suriya üzrə xüsusi nümayəndəsi və Ankaradakı səfiri Tom Barak iyunun 19-da ABŞ-ın Beyrut administrasiyasına “ölkədə bütün silahların yalnız dövlət nəzarəti altında toplanmasını əsas məqsəd qoyan” təklifini təqdim edib.
İyunun 27-də Əl Ərəbiyyə televiziyasına qonaq olan Barak, regional hadisələrlə bağlı dəyərləndirmələr edərək, “Hizbullahın hərbi qanadı tamamilə aradan qaldırılmalıdır. Onun siyasi tərəfi deyil, hərbi strukturu qəbuledilməzdir. Silahsızlanma üçün cədvəl müəyyən edilməlidir, məsələn, Litani çayının şimalına çəkilməlidir” deyib.
Livanda Tom Barakın iyunda ölkəyə səfəri və son bəyanatları müzakirə olunur.
İsrail və Livan arasında 27 noyabr 2024-cü ildə qüvvəyə minən atəşkəsə baxmayaraq, İsrail ordusunun Livanın cənubuna havadan və qurudan hücumları demək olar ki, hər gün davam edir.
Atəşkəs qüvvəyə minəndən bəri İsrail təxminən 3000 pozuntuya yol verib, nəticədə ən azı 213 nəfər ölüb, 508 nəfər yaralanıb.
İsrail ordusu Livanın cənubundan qismən geri çəkilsə də, son toqquşmalarda ələ keçirdiyi beş strateji təpəni işğal etməkdə davam edir.
Şayəstə Hüseynova
