Rusiyanın xarici işlər naziri Sergey Lavrov İranın təhlükəsizliyi ilə bağlı xüsusi açıqlamalar verib. O, çıxışında Trampla diplomatik münasibətlərə də toxunub.
Elchi.az xəbər verir ki, Rusiya Xarici İşlər Nazirliyinin bəyanatına görə, Lavrov Türkmənistana səfər edib, prezident Serdar Berdiməhəmmədov tərəfindən qəbul edilib və xarici işlər naziri Rəşid Meredov ilə görüşüb.
Rusiya və Türkmənistan Xarici İşlər Nazirlikləri arasında yeni əməkdaşlıq
Lavrov və Meredov Rusiya və Türkmənistan Xarici İşlər Nazirlikləri arasında 2025-2026-cı illər üçün əməkdaşlıq proqramı imzalayıblar.
Görüşdən sonra hər iki nazir Türkmənistan Xarici İşlər Nazirliyinin əməkdaşları və nazirliyin nəzdində fəaliyyət göstərən Beynəlxalq Münasibətlər İnstitutunun müəllim və tələbələri ilə görüşüblər.
Lavrov buradakı çıxışında Üçüncü Dünya Müharibəsi ehtimalını qiymətləndirərək , “Bu mövzu indi çox danışılır. Bu, xüsusilə Avropada qisas, təcavüz və döyüşkənlik hissləri üzündən üzücüdür. Sanki iki dünya müharibəsi Avropa İttifaqına (Aİ) üzv dövlətlərin liderləri üçün kifayət etmədi” – deyə vurğulayıb.
Qlobal təhlükəsizliyin risk altında olduğuna işarə edən Lavrov , “Qiyamət saatı işlənir və gecə yarısına yaxınlaşır. Bunun qarşısını almaq vacibdir. Biz bu fəlakətin qarşısını almaq üçün fəal şəkildə çalışırıq” – deyib.
ABŞ prezidenti Donald Tramp administrasiyasının realist və ağıllı olduğunu deyən Lavrov bunun müsbət hal olduğunu vurğulayıb.
“İran ətrafında hərbi gərginliyin artması son dərəcə narahatlıq doğurur”
Yaxın Şərqdəki vəziyyətə toxunan Lavrov deyib: “İran ətrafında hərbi gərginliyin artması son dərəcə narahatlıq doğurur. Bu, onun regional və qlobal təhlükəsizliyinin pozulmasına səbəb ola bilər”.
Lavrov , İsrailin hücumlarından sonra ABŞ-ın İrandakı nüvə obyektlərinə hücumlar təşkil etdiyinə diqqət çəkərək, bu hərəkətlərin beynəlxalq hüquqa və Birləşmiş Millətlər Təşkilatının Təhlükəsizlik Şurasının ( BMT TŞ ) qərarlarına zidd olduğunu və bunu pislədiklərini bildirib.
“Biz təcavüzə son qoymağa və İran ətrafındakı vəziyyəti siyasi və diplomatik kanala qaytarmaq üçün bütün lazımi addımları atmağa çağırırıq. İşarələr var ki, bütün ölkələr, o cümlədən məsələnin tərəfləri bunu dərk etməyə başlayıblar”, – Lavrov deyib.
Rusiyanın əvvəllər məsələnin həlli ilə bağlı ABŞ , İsrail və İrana təkliflər göndərdiyini xatırladan Lavrov , bununla bağlı məsləhətləşmələrə və məsələdə iştirak edən tərəflərlə təmasları davam etdirməyə hazır olduqlarını bildirib.
Lavrov , ABŞ prezidenti Donald Trampın İsrail-İran atəşkəsi elan etdiyinə diqqət çəkərək , bunun müsbət siqnal olduğunu vurğulayaraq, ” ABŞ , dünən İsrail və İran vəd verici, lakin daha sonra ziddiyyətli bəyanatlar verdi. Bu qanlı və dağıdıcı hadisə bölgə xalqlarının normal inkişafına kömək etmir”- deyib.
Nuranə Məmmədova
