İran dövlət televiziyası çərşənbə axşamı vətəndaşları telefonlarından WhatsApp-ı silməyə çağırıb. Açıqlamada tətbiqin heç bir konkret sübut təqdim etmədən istifadəçi məlumatlarını toplayıb İsrailə göndərdiyi iddia edilib.
Elchi.az xəbər verir ki, Meta çətiri altında olan WhatsApp-dan verilən açıqlamada bu ittihamlar “əsassız” olaraq qiymətləndirilir. Şirkət, “Biz bu cür yalan məlumatların xidmətlərimizi bloklamaq üçün bəhanə kimi istifadə olunacağından narahatıq” dedi.
WhatsApp mesajların başdan-başa şifrələndiyini və şirkətin bu mesajlara çıxışının olmadığını vurğuladı. Bəyanatda deyilir: “Biz istifadəçilərin yerlərini izləmirik, mesaj məzmununa daxil olmuruq və hökumətlərə toplu məlumat vermirik”.
Şifrələmə və məlumat təhlükəsizliyi ilə bağlı müzakirələr
Kornell Universitetinin kibertəhlükəsizlik üzrə eksperti Qreqori Falko bildirib ki, mesajların məzmunu məxfi qalsa da, WhatsApp üzərindən ötürülən bəzi “metaməlumatlar” şifrələnmir və istifadəçi davranışını bu məlumatlarla qismən başa düşmək olar.
Falco, WhatsApp məlumatlarının İran xaricində də saxlanıla biləcəyinə diqqət çəkərək, “Məlumat suverenliyi baxımından ölkələrin öz məlumatlarını öz sərhədləri daxilində yerləşdirməsi vacib hala gəldi” deyib.
Şayəstə Hüseynova
