Britaniyanın baş naziri Rishi Sunak çirklənmiş qan hadisəsindən sonra üzr istəyib.
Elchi.az xəbər verir ki, bu barədə hökumətin rəsmi saytında yazı dərc olunub.
Britaniyada 1970-ci illərdə qanköçürmədən sonra minlərlə HİV və hepatitə yoluxmuş xəstənin yoluxması ilə bağlı beş illik araşdırmadan sonra hesabat dərc edilib. Tədqiqatın müəllifləri əmindirlər ki, hakimiyyət fəlakətin miqyasını gizlədib. Nəticədə 1970-1990-cı illərdə 30 min insan hepatit C və ya HİV-ə yoluxmuş, onlardan 3 mini dünyasını dəyişmişdir.
Alimlər NHS işçilərini, Britaniya hökumətini və başqalarını günahlandırıblar. Sunak , vəziyyəti şərh edərək, bunun heç vaxt olmamalı olduğunu söylədi. Baş nazir zərərçəkmiş ailələrdən hökumət adından açıq üzr istəyib.
Sunak bundan əvvəl növbəti beş ili Britaniya tarixinin ən təhlükəli illərindən biri adlandırmışdı. O hesab edir ki, Qərb ölkələri avtoritar dövlətlərin artan təhlükələri ilə üz-üzədir.
Nuranə Məmmədova