78-ci Kann festivalının bağlanış mərasimi günü Fransanın cənubunda böyük elektrik enerjisi kəsintisi qeydə alınıb.
Elchi.az xəbər verir ki, məlumatı BFMTV telekanalı yayıb.
Bildirilib ki, elektrik kəsintisi nəticəsində təxminən 160 min ev, o cümlədən Kann şəhərinin bir hissəsi işıqsız qalıb.
Məlumata görə, Tanneron bölgəsində yerləşən yüksək gərginlikli yarımstansiyada yanğın baş verib və bir neçə saat sonra Sen-Kasyen gölü yaxınlığında elektrik dirəyi aşıb.
Yanğının qəsdən törədildiyi ehtimal olunur.
Festival çərçivəsində keçiriləcək bir sıra film nümayişləri təxirə salınıb.
Bununla belə, təşkilatçılar bildiriblər ki, yerli vaxtla saat 18:40-a planlaşdırılan bağlanış mərasimi alternativ generatorların köməyi ilə baş tutacaq.
Son şərhlər