Musavat.com xəbər verir ki, matç bitdikdən sonra azarkeşlər arasında dava düşüb. “Neftçi” azarkeşlərinin “Qarabağ” azarkeşlərinə daş atması nəticəsində 2 azarkeş yaralanıb. Bir neçə “Neftçi” azarkeşi isə polis tərəfindən saxlanılıb. Qalmaqal polislər tərəfindən sakitləşdirilib.

“Qarabağ” azarkeşlərinin sözlərinə görə, hadisə “Neftçi” azarkeşlərinin ucbatından baş verib: “Bizlik heç nə yoxdur. Komandamız 1-0 layiqli qələbə qazandı. Görünən budur ki, “Neftçi” azarkeşləri bunu sindirə bilməyiblər. Onlar qabaqcadan hazır gəlibmişlər. Çünki əllərində qalın çubuqlar, taxtalar var idi. Bəziləri daş atırdılar. Bizdən iki nəfərə daş dəydi. Birinin gözü şişib, digərinin sinəsi…”

Polis qüvvələri vəziyyətə nəzarət ediblər. Azarkeşləri qarşıdurma çox böyümədən ayıra biliblər. Onların stadionu təhlükəsiz şəkildə tərk etmələri üçün şərait yaradıblar.

Saytın əldə etdiyi məlumatlara görə, “Neftçi” azarkeşləri yolu zibil qutuları vasitəsi ilə bağlamağa cəhd ediblər. Amma polis qüvvələri onların qarşısını alıb.

Hadisə yerində saytın əməkdaşı da olub. Onun çəkdiyi eksklüziv foto və videoları təqdim edirik: