700 bal toplayan abituriyentlər hansı ixtisasları seçəcəklər? - "Xaricdə təhsil almaq istəyirəm"

Onların qazandıqları nailiyyətə həmyaşıdları həsəd aparır. Adları ali məktəblərə builki qəbul imtahanlarında

iştirak edən abituriyentlər arasında tanındı, məşhurlaşdı. Söhbət Tələbə Qəbulu üzrə Dövlət Komissiyasının iyulun 12-də ali məktəblərə I və IV ixtisas qrupları üzrə keçirdiyi qəbul imtahanlarında 700 bal toplamış abituriyentlərdən gedir.
Bu 7 nəfər imtahanda iştirak etmiş 27735 abituriyentdən seçilməyi bacardılar. 5-i I, 2-si isə IV ixtisas qruplarında imtahan verib. Tezliklə ixtisas seçməli olacaqlar.
Bəs onlar 700 bal toplamış xoşbəxt abituriyentlər hansı ixtisası seçəcəklər? Modern.az saytı şəkillərin sıralanmasına uyğun olaraq onların cavablarını təqdim edir :

Bakıdakı 287 nömrəli “Zəkalar” Liseyinin məzunu Nurlan QULUZADƏ:

– I ixtisas qrupunda ən yüksək nəticə göstərdim. İmtahanlara hazırlaşarkən məqsədim yalnız ən yüksək nəticə uğrunda çalışmaq idi. İxtisas seçimim mühəndislik olacaq.

***

Bunu da oxuyun

“Starlink”in fəaliyyətdə olan peyklərinin sayı 11,1 mini ötüb

Zəlzələlərin sürətli müəyyənləşdirilməsi sistemlərinin təkmilləşdirilməsi müzakirə edilib

Səudiyyə Ərəbistanında hücumlardan sonra “Şərq-Qərb” neft kəmərinin işi dayandırılıb

Ağdam rayonu Çəmənli kənd orta məktəbinin məzunu İlkin MƏMMƏDZADƏ:

– IV ixtisas qrupunda 700 bal toplayacağıma güvənirdim. Çox çalışırdım, buna nail oldum.
İxtisas seçimimdə tibbi ixtisaslara üstünlük verəcəyəm. Arzum xaricdə mükəmməl tibbi təhsilə yiyələnərək cərrah olmaqdır.

***

Türkiyə Dəyanət Vəqfinin Bakı Türk Liseyinin məzunu Fatimeyizəhra NƏBİZADƏ:

– I ixtisas qrupundan 700 bal yığmaqla ən yüksək nailiyyət qazandım. 3 ildir qarşıma məqsəd qoymuşdum ki, 700 bal toplayacağam. Məqsədimə də çatdım.
İxtisas seçərkən mexanika mühəndisliyinə üstünlük verəcəm. Xaricdə oxumağı düşünürəm.

***

Bakıdadakı Kimya-biologiya təmayüllü liseyin məzunu Eltun İBRAHİMOV:

– I ixtisas qrupu üzrə 700 bal yığdım. Nəticəmdən çox sevinirəm. İxtisas seçimim yalnız Bakı Ali Neft Məktəbindən olacaq. Gələcəkdə neft mühəndis olmaq istəyirəm.

***
Bakıdakı “Dədə Qorqud” Liseyinin məzunu Məmməd HACILI:

– I ixtisas qrupundan 700 bal topladım, çox xoşbəxtəm. İxtisas seçimim Qafqaz Universiteti olacaq. Universitetin kompüter mühəndisliyi ixtisasında oxumaq istəyirəm.

Ağsu şəhər 1 nömrəli tam orta məktəbin məzunu Nicat QASIMOV:

– IV ixtisas qrupunda 700 bal toplayacağıma tam əmin idim.
Tibb Universitetinin müalicə işi ixtisasını seçmək istəyirəm. Gələcəkdə həkimlik peşəsinə yiyələnəcəyəm.

***

Bakıdakı 289 nömrəli orta məktəb – “Zəngi” Lseyinin məzunu Könül QURBANLI:

– I ixtisas qrupu üzrə 700 bal topladım. Hamı məndən ən yüksək bal gözləyirdi. Bunu bacardım. İxtisas seçərkən informasiya və kommunikasiya texnologiyaları mühəndisliyini seçəcəm. Seçimim ya “ADA” Universitetindən, ya da Bakı Ali Neft Məktəbindən olacaq

A.Qorxmaz