“Bütün digər beynəlxalq tədbirlərdə olduğu kimi, Praqa sammitində də diqqəti çəkən əsas məqamlardan biri də qardaş Azərbaycan və Türkiyə dövlət başçılarının səmimi söhbətləri oldu”.
Elchi.az xəbər verir ki, bu barədə millət vəkili, iqtisadçı Vüqar Bayramov FB hesabında bildirib.
“Məhz bu səbəbdən də sosial media tədbirdən bu münasibətlərə xüsusi yer ayırdı.
Münasibətlər iki ölkə arasındakı iqtisadi əlaqələrdə də özünü göstərməkdədir. Bu ilin ilk 7 ayında Azərbaycan ilə Türkiyə arasındakı ticarət dövriyyəsi 3 milyard 376 milyon dollar olub. Bu əvvəlki ilin uyğun dövrü ilə müqayisədə 26.0 faiz artım deməkdir. Ötən ilin ilk 7 ayında dövriyyə 2.5 milyard dollar olmuşdu. Bütövlükdə, 2021-ci ildə iki ölkə arasındakı 4.661 milyard dollarlıq ticarət dövriyyəsi qeydə alınıb.
Digər tərəfdən, Türkiyə Azərbaycanın qeyri-neft ixracatında əsas ticarət tərəfdaşına çevrilib. Əvvəllər qeyri-neft ixracatında əsas ticarət tərəfdaşımız Rusiya idi.
Zəngəzur dəhlizinin istifadəyə verilməsi nəinki Azərbaycan Türkiyə, bötüvlükdə Türk dövlətləri arasında iqtisadi əlaqlərinin daha da güclənməsinə gətirib çıxaracaq. Regiondakı yeni düzən və dəyişikliklər Türk dünyası üçün də yeni imkanlar deməkdir”.
Yeganə
Son şərhlər