Son iki günün gündəmində olan mövzularından biri də bəzi xəyanətkarların “26 Bakı Komissarı”nın Suraxanıdakı məzarlarını ziyarət etmələri, Azərbaycan Xalq Cümhuriyyətinin ünvanına ittihamlarla dolu bəyanat səsləndirmələridir. Həmin şəxslər barəsindəki araşdırmalarımızdan sonra onlardan birinin kimliyi barədə müəyyən faktlar əldə etdik.
Bu – Ədalət Abdinovdur. Dosyesinə nəzər yetirəndə onun indiyədək ən müxtəlif sahələrdə çalışdığı üzə çıxdı. Facebook-dakı profilinə baxdıqda isə belə bir azərbaycanlının mövcudluğuna sadəcə, insan utanır. Statusları başdan-ayağa Rusiyayönlü, Azərbaycan dövlətinin əleyhinədir. Açıq şəkildə bu adam kommunist ideyalarının yenidən ölkəmizdə bərqərar olmasını, müstəqilliyimizin itirilməsinin və yenidən Rusiyanın əsarəti altına keçməyimizi təbliğ edir.
Bu xainin fəaliyyətindən sanki aidiyyəti qurumlar xəbərsizdir. Belə xəyanətkarları oxucularımızın da tanımasını lazım bildik. Bu zatın kimliyini təqdim edirik:
O, Masallının Bədalan kəndindəndir. 1958-ci ildə anadan olub. 1975-ci ildə Ümumittifaq Lenin Kommunist Gənclər İttifaqına üzv seçilib. İlk iş yeri Bədalan kəndindəki çay fabrikində fəhlə işləmək olub. BDU-nun kitabxanaşünaslıq və biblioqrafiya fakültəsini bitirib. Keçmiş S.M.Kirov adına Azərbaycan Dövlət Universitetinin (Hazırda Bakı Dövlət Universiteti) rektorluğu, partiya, komsomol və həmkarlar komitəsinin orqanı olan “Lenin tərbiyəsi uğrunda” qəzetin göndərişi ilə 1983-1985-ci tədris illərində Azərbaycan Jurnalistlər İttifaqının Jurnalist Sənətkarlığı İnstitutunu bitirib. 17 fevral 1984-cü ildə SSRİ Jurnalistlər İttifaqına üzv qəbul olunub. 29 oktyabr 1985-ci ildən 7 fevral 1986 -cı ilədək Azərbaycan Respublikası Təhsil Nazırliyinin elmi-pedaqoji kitabxanasinda redaktor işləyib. Sonradan Bakı Plan-Uçot Texnikumunda kitabxana müdiri kimi çalışıb.
20 iyul 1987-ci ildən Abşeron Rayon Partiya Komitəsinin orqanı olan “Abşeron” qəzeti redaksiyasında ədəbi işçi- müxbir, 7 iyul 1989-cu ildən kənd təsərrüfatı şöbəsinin müdiri, 15 fevral 1991-ci ildən məsul katib vəzifəsini tutub. 14 mart 1991-cü ildə Azərbaycan Həmkarlar İttifaqları Konfederasiyasının orqanı olan “Ülfət” qəzetinə xüsusi müxbir təyin edilib. 3 iyun 1991-ci ildən Azərbaycan Respublikası Təhsil Nazirliyinin orqanı olan “Gənc fəhlə” jurnalı redaksiyasında redaksiya heyətinin mütəxəssisi, 26 iyul 1991-ci ildən məsul katib vəzifəsində işləyib.
15 iyun 1992-ci ildən Azərbaycan Respublikasi Nazirlər Kabinetinin orqanı olan “İqtisadiyyat və həyat” jurnalının xüsusi müxbiri, 1 iyul 1992-ci ildən şöbə redaktoru vəzifəsində çalışıb. 26 yanvar 1994-cü ildən “Tribuna” ictimai-siyasi qəzetinin təsisçisi və baş redaktoru vəzifəsində işləyib.
Bu adam hətta o “cəsarəti” də özündə taparaq, Azərbaycanda ilk dəfə Marksizm-Leninizm Universitetinin fəaliyyətini bərpa edərək ona rəhbərlik edir. Doğrudur, universitet fəaliyyət göstərmir, amma tariximizə qara ləkə kimi düşmüş adları yenidən yaddaşlara qaytarmaq üçün bu xəyanətkar insan onları gündəmə gətirir. Necə ki, “26 Bakı Komissarı”na qəbirlər düzəldib, oranı ziyarətgaha çevirmək istəyir – baxmayaraq, o komissarların içərisində Şaumyan kimi xalqımızın qanını axıdan şərəfsiz ermənilər də olub. Bu bədbəxt məxluq Stalin ordeni, “Slava, doblest i çest” medalı almağı ilə fəxr edir.
Sonda onu əlavə edək ki, belələrinə heç bir halda cəmiyyətdə rahat şəkildə əl-qol açmağa və xüsusən də gənclər arasında özünün toksik təbliğatını aparmağa imkan vermək olmaz. Cəmiyyətimiz özü də ayıq olmalıdır.
Son şərhlər