Futbol Tarixi və Statistika Təşkilatı 2014-cü ilin “Ən yaxşı oyun qurucu”sunun adını müəyyən edib
2014-cü ilin “Ən yaxşı oyun qurucu”larının adları açıqlanıb.
ANS PRESS-in məlumatına görə, Futbol Tarixi və Statistika Təşkilatı (IFFHS) 2014-cü ilin “Ən yaxşı oyun qurucu”sunun adını müəyyən edib. Hesablamalara görə, “Real Madrid”in almaniyalı futbolçusu Toni Kroos 110 bal ilə 2014-ci ilin ən yaxşı oyun qurucusu seçilib. 2014-ci ildə “Bavariya”, Almaniya millisi və “Real Madrid”lə kuboklar qazanan 24 yaşındakı futbolçu ən yaxın rəqibi Lionel Messini 2 xal fərqlə qabaqlayıb.
“Barselona”nın argentinalı ulduzu Lionel Messi isə 108 bal ilə siyahıda ikinci sırada yer tutub. Siyahının üçüncü isə Futbol üzrə Dünya Çempionatındakı gözəl çıxışı ilə “Real Madrid”ə transfer olan kolumbiyalı Ceyms Rodriqezdir.
Futbol Tarixi və Statistika Təşkilatının (IFFHS) 2014-ci ilin “Ən yaxşı oyun qurucu” siyahısında yer alan 10 futbolçudan 4-ü “Barselona”, 3-ü isə “Real Madrid” forması geyir.
2014-ci ilin “Ən yaxşı oyun qurucu” siyahısında yer alan futbolçular bunlardır:
1 – Toni Kroos (Almaniya / “Bavariya” / “Real Madrid”) 110
2 – Lionel Messi (Argentina / “Barselona”) 108
3 – Ceyms Rodriqez (Kolumbiya / “Monako” / “Real Madrid”) 53
4 – Andres Iniesta (İspaniya / “Barselona”) 38
5 – Yaya Ture (Fil Dişi Sahili / “Mançester Siti”) 29
6 – Bastian Şvanştayger (Almaniya / “Bavariya”)
7 – Neymar (Braziliya / “Barselona”) və Luka Modriç (Xorvatiya / “Real Madrid”) 21
9 – Eden Hazard (Belçika / “Çelsi”) 18
10 – İvan Rakitiç (Xorvatiya / “Sevilya” / “Barselona”) 5
ANS PRESS
