“Qarabağ savaşındakı hərbi qələbəmizdə müstəsna rolu olan və indi bu qələbəni Azərbaycan prezidenti İlham Əliyevlə bərabər Ermənistanla sülh masasına da daşımağa çalışan Türkiyə prezidenti Rəcəb Tayyib Ərdoğan bu gün 70 yaşı tamam olan Rusiya prezidenti Vladimir Putini təbrik etmək üçün ona zəng vurub”.
Elchi.az xəbər verir ki, bu barədə siyasi şərhçi Elxan Şükürlü FB hesabında qeyd edib:
“NATO üzvü Türkiyənin rəhbərinin NATO ilə savaşan və təcrid edilən Rusiya rəhbərini təbrik etməsi, həqiqətən, cəsarət nümunəsidir.
Prezident Ərdoğanın açıqlamlarından məlum olur ki, hər iki dövlət başçısı çox yaxın günlərdə yenidən üz-üzə görüşməyə razılaşıblar.
Beləliklə, Qərb platformasında – Praqa sammitində Ermənistan və Azərbaycan arasında sülhün əldə edilməsi üçün keçirilən ikitərəfli və dörddərəfli görüşlərdən sonra regionda əsas söz sahibi olan Ərdoğan və Putinin yenidən bir araya gəlməsi bizim üçün çox önəmlidir və indiyədək bütün tərəflərin iştirakıyla əldə edilən razılaşmaların həyata keçirilməsi yönündə daha bir əhəmiyyətli addım olacaq.
Belə görünür ki, qarşıdakı 2 ay ərzində Ermənistanla Azərbaycan arasında sülh müqaviləsinin imzalanması üçün Türkiyə, Rusiya və Azərbaycan rəhbərliyi bütün maneələrin aradan qaldırılmasına qərar veriblər”.
Yeganə
Son şərhlər