Türkiyədən Suriyaya keçmək istəyərkən saxlanılan 16 indoneziyalı polis idarəsində bildiriblər ki, İŞİD adambaşına 10 min dollar vəd etdiyi üçün Suriyaya gedirlər.
Müsavat.com-un məlumatına görə, 16 indoneziyalının 11-i uşaq olub. Bildirilib ki, indoneziyalılar internetlə əlaqə yaradaraq İŞİD-lə razılaşıb və turizm şirkəti vasitəsilə Türkiyəyə gəliblər. İstanbulda bir otelə yerləşdirilən qrup səhəri gün erkən saatlarda turizm şirkətinin əməkdaşlarına xəbər vermədən oteldən çıxıblar.
İstanbuldan avtobusla Qaziantepə gələn indoneziyalılar sərhədi keçərkən saxlanılıblar. İndoneziyalılar 2 kişi, 3 qadın və 11 uşaqdan ibarət olub. Onlar bildirib ki, İŞİD onlara adambaşına hər ay 10 min dollar vəd edib və onlar maddi çətinlik çəkdikləri üçün İŞİD-ə qoşulmaq istəyiblər.
Son şərhlər