Suriyanın rabitə naziri İmran Zubi kürdlərə muxtariyyət verilməsi məsələsini qanun çərçivəsində olmaq şərtilə müzakirə etmək mümkün olacağını bildirib.
Avropa.info xəbər verir ki, Suriyanın rabitə naziri İmran Zubi dövlət televiziyasında kürdlərlə bağlı açıqlamalar verib.
“Suriya hökuməti Suriya torpaqlarının heç bir parçasından imtina etməz. Kürdlər də ərəblər kimi bu torpaqların bir hissəsini təşkil edir. Suriyalılar üçün qüvvədə olanlar onlar üçün də qüvvədədir. Kürdlər üçün bir muxtariyyət məsələsi müzakirə olunur. Bu məsələni qanun çərçivəsində müzakirə etmək olar”.
Xatırladaq ki, Suriyada Əsəd rejimi qabaqkı illərdə ölkədə yaşayan kürdlərə şəxsiyyət vəsiqəsi verməməklə yanaşı onlara dövlət idarələrində iş də verilmirdi.
Burada yaşayan kürdlər əmlak sahibi də ola bilmirdilər. Hazırda hökm sürən vətəndaş müharibəsi Əsədi kürdlər haqda açıqlama verməyə məcbur edib.
Rəsmi rəqəmlərə görə, Suriyada yaşayan 300 min kürd şəxsiyyət vəsiqəsi almaqdan məhrum olub. Şəxsiyyət vəsiqəsi olmayan kürdlər uşaqlarını məktəbə göndərməkdə çətinlik çəkirdilər.
Son şərhlər