“Elchi.az” xəbər verir ki, “A Haber” telekanalının canlı yayımında Almaniya hökumətinin terrorçu və faşist ruhlu olduğunu deyib.
“Almaniya ən amansız şəkildə terrorçulara dəstək verir. Biz Almaniyaya PKK və FETÖ terrorçularının 4 500 dosyesini göndərmişik, lakin onların hamısı cavabsız qalıb. Bu əslində başa düşüləndir. Çünki Almaniya hökumətində terrora daha yaxın ruhlu insanlar var.
Türkiyə prezidenti Rəcəb Tayyib Ərdoğan Almaniya kansleri Angela Merkeli Hollandiyaya dəstək çıxmaqda qınayıb. O, Almaniyanı terrorçuluğa dəstəkdə günahlandırıb və bu barədə məktubda açıq şəkildə qeyd edib.
Ərdoğan həmçinin Türkiyədə həbs olunan Dəniz Yuceli casus və terrorçu adlandırıb. Onun hüquqlarının müdafiəsinə qalxanları da, həmin qəbildə olan qüvvələr olduğunu deyib:
“Avropa İttifaqı ilə münasibətlərin yenidən baxılması gündəmdə qalmaqdadır. Lakin hazırda ən önəmli məsələ 16 apreldə Konstitusiyaya dəyişiklik üzrə referendumdur”.
Ərdoğan həmçinin Avropa İttifaqını şərəfsizlikdə ittiham edib:
“Mənim Avropa İttifaqı ilə bağlı fikirlərim bəllidir. Avropa əvvəlki kimi bizim başımızı aldadır. Onlar şərəfsizlik nümayiş etdirir. Qaçqınlara görə vədlər vermişdilər, 6 milyard avrodan danışırdılar. Gələn 750 milyon oldu. Viza rejiminin liberallaşdırılması məsələsi də eyni, 2016-cı ilin sonunda qüvvəyə minməli idi, o da olmadı”.
Çıxışı zamanı Ərdoğan Niderland məsələsinə də toxunub. O, türkiyəli nazirlərin çıxışlarının yasaqlandığına görə Niderlandı Avropa İnsan Haqları Məhkəməsinə verəcəyini deyib.
“Nazirlərimizi ölkədə danışmağa qoymadılar. Bizim vətəndaşlarımızı həbs etdilər. Onların üstlərinə vəhşi itlər buraxdılar. Biz də, onların atdığı addımları atsaq yaxşı olar? Xeyir, biz onlar kimi şərəfsizlik etmərik. Onlar mütləq bunun cavabını verəcəklər. Niderlan hökuməti etdiyi şərəfsizliyin cavabını çox ağır alacaq”, – deyə Ərdoğan qeyd edib.
Son şərhlər