Türkiyə vətəndaşları 2016-cı ilin oktyabr ayından başlayaraq Avropa ölkələrinə vizasız səfər edə biləcəklər.
Avropa.info xəbər verir ki, bunu partiyasının parlamentdəki fraksiyasının iclası zamanı Türkiyənin baş naziri Əhməd Davudoğlu söyləyib.
Əhməd Davudoğlu rəhbərlik etdiyi hakim Ədalət və İnkişaf Partiyasının parlament fraksiyasının iclasında çıxış edir.
O çıxışa başlayarkən partiya üzvlərinə əvvəlcə bir müsbət addım haqda məlumat vermək istədiyini söyləyib:
“Bu gün oktyabr ayı üçün sənaye rəqəmləri açıqlandı və sənaye istehsalında artımın olduğunu gördük. Sənaye istehsalı indeksi, oktyabrda keçən ilin eyni ayı ilə nisbətdə 4,6 % artıb. Sənaye istehsalı da bir əvvəlki aya nisbətən 0,1 % artıb. Bu da sabitliyin davam etdiyini göstərən bir amildir. 1 noyabrdan sonrakı rəqəmlər daha da yaxşı olacaq. Avropa Birliyinə üzvlük bizim üçün çox mühümdür. Prosesi sürətləndirmək səy göstəririk. Ən gec 2016-cı ilin oktyabrında Türkiyə vətəndaşları Avropaya vizasız səfər edə biləcəklər.”
Son şərhlər