Avstriyanın paytaxtı Vyanada “kilsələrə hücum təhlükəsi” ilə əlaqədar şəhərin mühüm nöqtələrində sıx təhlükəsizlik tədbirləri görülüb.
Elchi.az xəbər verir ki, Dövlət Təhlükəsizliyi və Kəşfiyyat İdarəsi hücum təhlükəsi ilə bağlı ipuçlarının əldə edildiyi və Vyananın əsas nöqtələrində təhlükəsizlik tədbirlərinin ən yüksək səviyyədə görüldüyü barədə məlumat paylaşıb.
Bölmə tərəfindən Twitter-də edilən açıqlamada şəhərin mərkəzində çoxlu təhlükəsizlik qüvvələrinin və xüsusi təchizatlı polisin olduğu və bu vəziyyətin vətəndaşların diqqətini çəkə biləcəyi bildirilib.
Bildirilib ki, bu xüsusi vəziyyət hələ reallaşmamış kilsələrə mümkün hücum təhlükəsinə qarşı yaradılıb.
Bildirilib ki, Dövlət Təhlükəsizliyi və Kəşfiyyat İdarəsində hücumun ekstremist qruplar tərəfindən planlaşdırıldığına dair ipuçları var və hadisələrin inkişafı ilə bağlı vətəndaşlara məlumat veriləcək.
Açıqlamada Vyanada həssas yer və obyektlərə qarşı aparılan intensiv tədbirlərin nə qədər davam edəcəyinin hələlik məlum olmadığı, təhlükəsizlik qüvvələrinin foto və ya videolarının paylaşılmaması, həmçinin həqiqətə uyğun olmayan şayiələrin yayılmaması ilə bağlı xəbərdarlıq edilib.
2020-ci il noyabrın 2-də Avstriyanın paytaxtı Vyanada terror aktı baş vermiş və hücum nəticəsində 4 mülki şəxs həlak olmuşdur.
Şayəstə
