Ukrayna prezidenti Volodimir Zelenski “Vuhledar-Maryinka” müdafiə xəttində ukraynalı hərbçilərin mövqelərinə baş çəkərkən Ukraynada dəniz piyadaları korpusunun yaradıldığını açıqlayıb.
Elchi.az TASS.ru-ya istinadən bildirir ki, bu barədə video Zelenskinin “Telegram” kanalında yerləşdirilib.
“Dövlət ordunun bu mühüm, davamlı qolunu inkişaf etdirmək üçün hər şeyi edəcək”, – deyə Zelenski bildirib.
Onun sözlərinə görə, ən müasir silah və texnika ilə təchiz edilmiş dəniz piyadalarının yeni briqadaları da yaradılacaq.
Bu arada DXR-in müvəqqəti rəhbərinin müşaviri Yan Qaqin Zelenskinin həqiqətən də təmas xəttində olmasına şübhə edib:
“Cənab Zelenski yenidən Ukraynada görünməkdən, Kiyevin özündə görünməkdən qorxur, nəinki cəbhə xəttində. Ona görə də, necə deyərlər, fotoşop ona kömək edib”, – deyə Y.Qaqin “60 dəqiqə” proqramının efirində deyib.
Yeganə
