Stokholmdakı məsciddə Quranın yandırılması ilə bağlı növbəti aksiya və Türkiyə prezidenti Rəcəb Tayyib Ərdoğanın hadisəyə kəskin reaksiyası İsveçin NATO- ya erkən daxil olma şansını təhlükə altına qoyub .
Elchi.az bu barədə “Milliyet” qəzetinə istinadən xəbər verir.
Nəşr qeyd edir ki, bir çox türk rəsmiləri, o cümlədən Ərdoğan Stokholmda Quranın yandırılmasına mənfi reaksiya verib. Jurnalistlərin fikrincə, bu amil İsveçin NATO-ya erkən daxil olma ehtimalını azaldır. Müəlliflər xatırladıblar ki, iyulda müttəfiqlik tədbirləri keçiriləcək və bu tədbirlərdə ölkənin bloka qoşulması məsələsi “kökdə dayanacaq”.
Xüsusilə, NATO-nun baş katibi Yens Stoltenberq qeyd edib ki, alyans 11-12 iyulda Vilnüsdə keçiriləcək blokun sammitinə qədər İsveçin daxil olması prosesini başa çatdırmağa çalışır.
İyulun 6-da NATO-nun Brüsseldəki mənzil-qərargahında Türkiyə, İsveç və Finlandiyanın xarici işlər nazirləri, həmçinin kəşfiyyat təşkilatlarının rəhbərləri və milli təhlükəsizlik müşavirlərinin iştirakı ilə daha bir görüş keçiriləcək.
Nuranə Məmmədova
Son şərhlər