Qeyri-qanuni yollarla Türkiyədən Suriyaya keçməyə cəhd edən 5 Hollandiya vətəndaşı sərhəddə saxlanılıb.
Musavat.com xəbər verir ki, bu barədə Türkiyə Baş Qərargah rəhbərliyinin internet saytında məlumat yer alıb.
Məlumatda bildirilib: “Sərhəd qoşunları Suriyadan Türkiyəyə keçməyə çalışan 92 suriyalını sərhəddə saxlayıb. 5 Hollandiya vətəndaşı isə Türkiyədən Suriyaya qeyri-qanuni yollardan keçməyə çalışarkən sərhədçilər tərəfindən yaxalanıb”.
Məlumatda həmçinin bildirilib ki, İraqa keçməyə çalışan 13 Suriya, 1 İraq vətəndaşı İraq sərhədində, Yunanıstana keçməyə çalışan 15 Suriya, 16 Myanma, 8 İraq, 3 Əfqanıstan və 1 Seneqal vətəndaşı Yunanıstan sərhədində yaxalanıb.
Son şərhlər