Terror təşkilatlarına dəstək verən Almaniya hökuməti nəhayət ki, hər şeyi etiraf edib.
Avropa.info xəbər verir ki, Almaniyanın Bild qəzeti 120 alman vətəndaşının YPG və PKK cərgələrində döyüşdüyünü etiraf edib.
Qəzetin dərc etdiyi xəbərdə agentlərin Türkiyəyə qarşı əməliyyatlarda iştirak edib etmədiyi məsələsinə isə toxunulmayıb.
Avropanın PKK terror təşkilatına dəstək verdiyini sübuta yetirən Təqvim qəzeti 2015-ci ilin 27 avqust tarixində Almaniyanın kəşfiyyat xidməti olan BND-nin 7 agentinin Qəndil dağlarına çıxdığı haqda məlumat yaymışdı.
Terrorçulara bomba düzəltməkdən tutmuş şəhər döyüşlərinə qədər hər sahədə təlim keçən almanlardan biri olan Dilsoz Bahar ləqəbli Kevin Joaçimin isə Türkiyə ordusunun bombardmanı nəticəsində məhv edildiyi bildirilmişdi,
Bundan başqa əməliyyatlar zamanı Rüstəm Cudi ləqəbli agent Günter Helsten da öldürülmüşdü. Almaniyanın PKK terrorçularına dəstək verdiyini sübuta yetirən bu hadisələr haqda alman hökuməti heç bir açıqlama verməmişdi.
Amma bir neçə ay ötməsinə baxmayaraq Almaniyanın ən böyük mətbuat orqanlarından biri olan Bild qəzeti bu əlaqənin doğruluğu haqda məlumat yayıb.
120 Alman vətəndaşının YPG və PKK üçün döyüşdüyünü bildirən qəzet bu şəxslərin könüllü olaraq PKK və ya YPG tərəflərində qarşıdurmalarda iştirak etdiyini irəli sürüb.
Məlumatda həmçinin alman ordusunda və daha sonra Fransız ordusunun xüsusi təyinatlı dəstəsində uzun illər komandirlik edən və YPG sıralarında Rüstəm Cudi ləqəbi ilə döyüşən Günter Helstenin 23 fevralda Şəddadi qəsəbəsinin yaxınlığında öldürüldüyü, onun BND-nin PKK sıralarında döyüşən 7 nəfərlik qrupuna rəhbərlik etdiyi bildirilir.
Qeyd edək ki, təşkilat sıralarında döyüşən şəxslərdən biri olan Botan Rojava ləqəbli bir alman vətəndaşının “YPG-yə qoşularaq röyalarımı reallaşdırdım” sözü alman mediasında böyük qalmaqala səbəb olmuşdu.
Son şərhlər