Şimali Koreya İspaniya, Honq-Konq və bir neçə Afrika ölkəsi də daxil olmaqla, dünya üzrə ondan çox səfirliyini bağlayacaq. Elchi.az xəbər verir ki, bu barədə “NBC News” məlumat yayıb.
Qərar Pxenyanın diplomatik nümayəndəliklərinin 25 faizinin bağlanmasına səbəb ola bilər. Qeyd olunur ki, Şimali Koreyanın diplomatik nümayəndəliklərinin bağlanması beynəlxalq sanksiyalar, Pxenyanın qlobal qarşılıqlı fəaliyyətdən imtina etmək meyli və Şimali Koreya iqtisadiyyatının zəifləməsi ilə bağlıdır.
Koreyalararası işlərlə məşğul olan Cənubi Koreyanın Birləşmə Nazirliyi qeyd edib ki, Şimali Koreyanın valyuta qazanma biznesi sanksiyalara görə dayanıb və bu, səfirliklərin saxlanmasını davam etdirməyi çətinləşdirir. “Bu, ənənəvi dost ölkələrlə hətta minimal diplomatik münasibətləri saxlamaq çətin olduğu Şimali Koreyada çətin iqtisadi vəziyyətə işarə edə bilər”, – nazirlik bildirib.
Havar Şəfiyeva
Son şərhlər