Azərbaycanın kişilərdən və qadınlardan ibarət yığma komandaları Dünya Şahmat Olimpiadasının növbəti 
turunda qalib gəliblər.
turunda qalib gəliblər.ANS PRESS-in məlumatına görə, Norveçin Tromse şəhərində 41-ci Dünya Şahmat Olimpiadası davam edir. Olimpiadanın altıncı turunda Azərbaycanın kişilərdən və qadınlardan ibarət yığma komandalarının hər ikisi öz rəqibləri üzərində inamlı qələbə qazanıb.
Ölkəmizin kişilərdən ibarət yığma komandası – ikiqat Avropa çempionu – Olimpiadanın altıncı turunda Gürcüstan yığmasına 3,5:0,5 hesabı ilə, qadın şahmatçılarımız isə Puerto-Riko komandasına 3:1 hesabı ilə qalib gəlib.
Azərbaycan qrossmeysterləri Şəhriyar Məmmədyarov, Rauf Məmmədov və Eltac Səfərli bu turda qalib gəlib, Teymur Rəcəbov isə heç-heçə oynayıb.
Qadınların yarışında Zeynəb Məmmədyarova uduzub, Gülnar Məmmədova, Xəyalə Abdulla və Türkan Məmmədyarov isə komandaya növbəti qələbə xalları gətiriblər.
Kişilərin yarışlarında 6 turdan sonra aktivində 5 qələbə və bir heç-heçə olan Azərbaycan yığması liderdir. Kuba komandasının nəticələri bizimkilərlə eynidir, lakin əlavə göstəricilər üzrə həmvətənlərimiz irəlidədir.
Rusiya, Çin, Serbiya, Niderland, Çexiya, Xorvatiya, Bolqarıstan, Macarıstan, Ermənistan və Rumıniya bir xal geri qalır. Bu gün 7-ci turun oyunları keçiriləcək. Azərbaycan yığmasının budəfəki rəqibləri kubalı şahmatçılar olacaq.
Qadınların yarışlarında 6 turdan sonra hər biri 12 komanda xalı toplamış Çin və Rusiya komandaları liderlik edir. Polşa komandası bir xal geri qalır. 7-ci turda Azərbaycan və İtaliya yığmaları qarşılaşacaq.
Xatırladaq ki, dünya şahmat olimpiadası yarışlarında kişilərdən ibarət 177 komanda və qadınlardan ibarət 136 komanda çıxış edir.
Azərbaycanın kişilərdən ibarət yığması 7-ci turda Kuba komandası ilə qarşılaşacaq. Altı turdan sonra bu komandaların hərəsinin aktivində 11 komanda xalı var.
Kuba–Azərbaycan matçında qarşılaşacaq komandaların heyətləri artıq məlumdur:
Şəhriyar Məmmədyarov – Lenyer Dominqes
Teymur Rəcəbov – Lazaro Bruzon
Rauf Məmmədov – Yuneski Kesada
Qədir Hüseynov – Reynaldo Ortiz.
Kişilərin yarışlarında altı turdan sonra hərəsinin aktivində 11 xal olan Azərbaycan və Kuba komandaları irəlidədir. Rusiya, Çin, Serbiya, Niderland, Çexiya, Xorvatiya, Bolqarıstan, Macarıstan, Ermənistan və Rumıniya komandaları liderlərdən bir xal geri qalır.
Azərbaycanın qadınlardan ibarət yığması yeddinci turun matçında İtaliya komandası ilə oynayacaq. Altı turdan sonra bu yığmaların hərəsinin aktivində 8 komanda xalı var.
Qadınların yarışlarında Azərbaycan – İtaliya matçında bu cütlüklər qarşılaşacaqlar:
Zeynəb Məmmədyarova – Marina Brunello
Gülnar Məmmədova- Yelena Sedina
Xəyalə Abdulla – Tea Queçi
Türkan Məmmədyarova – Roberta Messina.
Qadınların yarışlarında altı turdan sonra hərəsinin aktivində 12 komanda xalı olan Çin və Rusiya komandaları liderlik edir. Polşa komandası liderlərdən bir xal geri qalır. Azərbaycan 24-cü yeri tutur.
Son şərhlər