Vətənində vəzifə səlahiyyətlərindən sui-istifadə ittihamı ilə 6 il müddətinə azadlıqdan məhrum edilən Gürcüstanın sabiq prezidenti Mixail Saakaşvili Almaniyanın “Bild” qəzetinə müsahibə verib.
Elchi.az-ın xəbərinə görə, Saakaşvili tam əmindir ki, onun cinayət təqibində Rusiya prezidenti Vladimir Putin həlledici rola malikdir.
Saakaşvilinin sözlərinə görə, o, əmindir ki, rəhbərlik etdiyi “Vahid Milli Hərəkat” partiyası 2012-ci ilin oktyabrında keçirilən parlament seçkilərində məğlub olub və Rusiyanın genişmiqyaslı xüsusi əməliyyatı nəticəsində hakimiyyəti itirib:
“Onlar İvanişviliyə (milyarder, indi hakim “Gürcü Arzusu” partiyasının yaradıcısı) seçki kampaniyası aparmaq üçün iki milyard dollar verdilər. Seçki kampaniyası zamanı o bütün aktivlərini tez bir zamanda sata bilib.
Gürcüstan İvanişvilini Putinə təhvil verir və Zelenskiyə kömək etmək üçün Ukraynaya qayıtmağımı istəmir. Zelenski “müasir Çörçil”dir”.
Qeyd edək ki, Gürcüstan hakimiyyəti hələlik Saakaşvilinin ittihamlarına heç bir cavab verməyib. Moskvadan da rəsmi şərh gəlməyib.
Yeganə
Son şərhlər