Rusiya heç vaxt Kanada seçkilərinə müdaxilə etməyib və bu cür ittihamlar həqiqətə uyğun deyil.
Elchi.az TASS-a istinadən xəbər verir ki , bunu Rusiyanın Ottavadakı səfiri Oleq Stepanov deyib.
O, Kanadanın xarici dövlətlərin, o cümlədən Rusiyanın ölkədəki seçki və ictimai proseslərə mümkün müdaxiləsi ilə bağlı ictimai araşdırma aparmaq qərarına belə cavab verib . Diplomat vurğulayıb ki, Kanada heç vaxt Moskvanın daxili işlərində iştirakına dair sübut təqdim etməyib.
Onun sözlərinə görə, bu cür “sui-qəsd nəzəriyyələrinin” reallıqla heç bir əlaqəsi yoxdur. “Bütün müşahidəçilərə aydındır ki, müəyyən xarici qüvvələrin müdaxiləsi ilə bağlı ittihamlar Ottava köpüyü daxilində siyasi oyunlarda əlverişli vasitədir”, – Stepanov bildirib.
Mart ayında Kanadanın Baş naziri Castin Trüdo 2019 və 2021-ci illərdə keçirilən yerli seçkilərə Çinin mümkün müdaxiləsi ilə bağlı sübutları araşdırmaq üçün xüsusi müstəntiqin təyin edilməsi barədə göstəriş verib. Qeyd olunur ki, Kanada mediası əslində siyasətçiyə təzyiq göstərir.
Nuranə Məmmədova
