Bu gün Azərbaycan milli kino sənətinin yarandığı gündür. Bu il 118-ci ildönümünü qeyd edən Azərbaycan kino sənəti özünün zənginliyi və xalqın tarixi, mədəni irsində çox geniş yer tutur.
Milli Kino günü Heydər Əliyevin 2000-ci il 18 dekabr tarixli Sərəncamı ilə avqustun 2-si kino işçilərinin peşə bayramı kimi qeyd olunur. Təəssüflər olsun ki, milli kino sənətində əvəzsiz xidməti olan mərhun aktyor və rejissorlarımız lazımi səviyyədə nəinki qiymətləndirilir, hətta heç xatırlanmır. Kinoşünaslar hazırda çəkilən kinolarda effektsiz nəticənin, hətta bayağılığın olduğunu bildirirlər. Onlar illər sonra çəkilmiş filmlərin müqayisə olunmayacaq dərəcədə yaddaşlarda silinməz bir iz buraxdığını əminliklə söyləyirlər. Xatırladaq ki, Fransada keçirilmiş ilk kinoseansdan iki il sonra, yəni 1898-ci il avqustun 2-də Bakı elmi-foto dərnəyinin katibi, naşir və fotoqraf Aleksandr Mişon özünün lentə aldığı “Bibiheybətdə neft fontanı yanğını”, “Əlahəzrət Buxara əmirinin yolasalma mərasimi”, “Qafqaz rəqsi” xronikal sənədli və “İlişdin” adlı bədii süjetlərin müstəqil nümayişini təşkil etmişdir. Həmin gün milli kinonun yaranma günü sayılır. Xalq artisti, tanınmış aktyor Rasim Balayev Cebhe.info-ya açıqlamasında deyib ki, bu gün təəssüflər olsun ki, kino tənəzzül dövründədir: “Bizim yaxşı filmlərimiz olub, gözəl kinolar çəkmişik. Təssüflər olsun ki, kino tənəzzül dövrünü yaşayır. Son illərdə 30-35 film çəkilib. Amma tamaşaçılar bu filmləri tanımır. Yəni, çəkilən yeni filmləri kinoteatrlarda nümayiş etdirmirlər. Baxan baxır, baxmayanların da belə filmlərdən xəbəri olmur. Əvvəllər belə idi ki, pis-yaxşı bütün kinolara gedib kinoteatrlarda baxırdılar. Bu gün o imkan yoxdur”.
Rasim Balayevin milli kino sənətində necə qiymətləndirilməsinə gəlincə, aktyor bunu belə izah edib:
“Məni xatırlayan xatırlayır, xatırlamayan isə xatırlamır. Hər gün televizora çıxıb “meymunluq” edənləri məndən daha yaxşı tanıyırlar. Çünki onlar hər gün efirlərdədirlər, mən isə efirə az çıxıram. Sadəcə filmlərim olur. Azərbaycanda, hətta dünyada ən populyar sənətkarlar Rəşid Behbudov, Leyla Bədirbəyli, Hökümə Qurbanova olub. Bu gün xatırlanmırlar. Bu, o demək deyil ki, onlar sənətkar olmayıblar. Sadəcə bilmirəm, nəyəsə görə xatırlanmırlar. Amma çox təssüf.. Onların populyarlığı qədər mən mə.hur adam görməmişəm. O sənətkarlar küçəyə çıxa bilmirdilər. Bu gün gənc nəsil onları tanımır. Niyə? Çünki haqqında verilişlər vermirlər. Hökümə Qurbanova kimi aktrisa, Ələsgər Ələkbərov kimi dünyəvi aktyor bu gün heç kimin yadına düşmür.Bunları nəzərə almaq lazımdır”.
Son şərhlər