12 iyunda Qırğızıstan Türkiyə Manas Universitetinin Ədəbiyyat Fakültəsinin Filologiya kafedrasının müdiri professor Burul Saqınbayeva, Qırğız Milli Yazarlar Birliyinin üzvü, şair, tərcüməçi Altınbəy İsmayılov AMEA Nəsimi adına Dilçilik İnstitutunda görüşdə olublar. Elchi.az xəbər verir ki,
Dilçilik İnstitutunun baş direktoru professor Nadir Məmmədli bildirib ki, hər iki xalq arasındakı münasibətlər minillik tarixi, etnomədəni əsaslara malikdir.
Görüşdə Qırğızıstan elm ocaqları, akademiyası, universitetləri ilə geniş əlaqələrdən, Azərbaycan–qırğız dilinə dair tədqiqatlardan , əlifba məsələsindən danışıb.
Görüşdə Azərbaycanla Qırğızıstan arasında elmi əlaqələrin genişləndirilməsi, Manas Universiteti ilə əməkdaşlığın perspektivləri ilə bağlı müzakirələr aparılıb.
Tədbirdə Ədəbiyyat İnstitutunun professoru Almaz Binnətova,Təhsil İnstitutunun böyük elmi məsləhətçisi dosent Asif Hacıyev, İctimaiyyətlə əlaqələr şöbəsinin aparıcı elmi işçisi dosent Təranə Şükürlü görüşün elmi əlaqələrin genişlənməsinə böyük təkan verəcəyini vurğulayıblar.
Havar Şəfiyeva
Son şərhlər