“The Associated Press”in (AP) məlumatına görə, Səudiyyə monarxının xahişi ilə Misir bəyanat verərək, 
Körfəz ölkələri ilə Qətər arasında bağlanmış və regionda gərginliyin aradan qaldırılmasını hədəf alan müqaviləni dəstəklədiyini bildirib.
Körfəz ölkələri ilə Qətər arasında bağlanmış və regionda gərginliyin aradan qaldırılmasını hədəf alan müqaviləni dəstəklədiyini bildirib.Problem ondadır ki, digər körfəz ölkələrindən fərqli olaraq, rəsmi Dohar radikal islamçıları və “Müsəlman Qardaşları” təşkilatını dəstəkləyib.
Gərginliyin yaranmasının əsas səbəblərindən biri Səudiyyə Ərəbistanı ilə Qətər arasında Suriyadakı üsyançı qruplara təsir imkanları ilə bağlı gedən yarışdan qaynaqlanırdı.
“Müsəlman Qardaşları“ təşkilatının dəstək verdiyi Misir prezidenti Məhəmməd Mursinin iqtidara gəlişi də Səudiyyə ilə Qətər arasında gərginliyə təkan vermişdi.
Qətər Məhəmməd Mursinin iqtidarda qalması üçün milyard dollarlarla vəsait xərcləmişdi. Ancaq o, bir illik iqtidardan sonra Səudiyyənin müdafiə etdiyi hərbçilər tərəfindən devrildi.
Agentlik yazır ki, Birləşmiş Ərəb Əmirliyi ilə Səudiyyə Ərəbistanı “Müsəlman Qardaşları”nı öz rejimləri üçün təhlükə bilirlər. Bu iki ölkə və Misirdə iqtidara gələn hərbçilər “Müsəlman Qardaşları” təşkilatını “terrorçu qrup” elan edib.
Agentlik vurğulayır ki, Körfəz müqaviləsinə Küveyt, BƏƏ və Bəhreyn də daxildir. Ancaq bu barədə hələ də geniş məlumat verilməyib.
“Mən Misir xalqına və rəhbərliyinə müraciət edirəm ki, ərəb birliyi naminə atdığımız bu addımı nəzərdən keçirsin”, – kral Abdullah ictimaiyyət qarşısındakı ilk çıxışında belə deyib. Onun bu fikirləri Səudiyyə mediası tərəfindən geniş təbliğ olunub.
Misir prezidenti Əbdulfəttah əs-Sisinin ofisi dərhal bu çağırışa cavab verib: “Biz qardaşlarımıza dəstək veririk”.
Misir rəhbərliyi yerli elitaya və jurnalistlərə müraciət edərək, ortaya çıxmış narazılığın aradan qaldırılmasına dəstək verməyə çağırıb.
Səudiyyə Ərəbistanı, BƏƏ, Bəhreyn və Misir öz səfirlərini mart ayında Qətərdən geri çağırmışdı.
Qətər uzun müddətdir ki, Doharda əsası qoyulmuş “Al-Jazeera” televiziyasına görə ittihamlarla üzləşir. Bir çox ölkələr, o cümlədən, yuxarıda adı keçən ərəb ölkələri bu kanalı “Müsəlman Qardaşları” və bu kimi islamçı qrupları təbliğ etməkdə suçlayır.
“Al-Jazeera” isə bu kimi ittihamları bir qayda olaraq rədd edir. Misir “Al-Jazeera”nin ingilis versiyasında çalışan 3 jurnalisti 7 il müddətinə azadlıqdan mərhum edib və bu kanalın Qahirədəki ofisini qapadıb.
“The Associated Press” qeyd edir ki, aylarla davam edən danışıqlardan sonra Qətər “Müsəlman Qardaşları” təşkilatına dəstəyin geri çəkməli olub. Bu təşkilatın Qətərdə məskunlaşmış elitasını ölkədən çıxarıb.
Misir isə onlardan bir çoxunu həbs etmək istəyirdi. Qətər buna imkan verməsə də, “Müsəlman Qardaşları”ilə vidalaşmalı olub.
Elbəyi Həsənli
Son şərhlər