Rusiyada iqtisadi böhran şəraitində sosial narazılıqların artdığı bildirilir.
Avropa.info xəbər verir ki, bu haqda Ali İqtisadiyyat Məktəbinin hesabatında bildirilir.
Hesabatda qeyd olunur ki, iqtisadi böhranın davam edəcəyi təqdirdə, xalq ən çoxu 1,5 il səbr edə bilər. Bundan sonra isə kütləvi etiraz aksiyalarının başlanacağı ehtimal olunur. İqtisadi böhranın ən çox təsir göstərdiyi təbəqələrin isə Moskvada yaşayan yüksək səviyyəli gənclər ilə əyalət sakinləri olduğu bildirilir.
“Yuri Levada” ictimaiyi araşdırmaları mərkəzinin təşkil etdiyi konfransda, Rusiyada xalqın depressiv vəziyyətinin keçən illə müqayisədə bu il ən yüksək səviyyəyə qalxdığına diqqət çəkilib.
Tədbirdə Ali İqtisadiyyat Məktəbinin hesabatının proqnozları bölüşən Professor Natalya Tihovaya Rusiyada iqtisadi böhran şəraitində rifah səviyyəsi geriləyən xalqın 1,5 il içərisində kütləvi aksiyalara başlaya biləcəyini deyib.
Ali İqtisadiyyat Məktəbinin hesabatına görə, Rusiyada əhalinin 25 faizi yoxsulluq həddindən iki dəfə aşağı , 12 faizi isə aclıq vəziyyətində yaşayır.
Son şərhlər