Martın 18-də Rusiya prezidenti Vladimir Putin Sevastopola gəlib.
Elchi.az xəbər verir ki, “Vesti Krım”ın məlumatına görə, səfər regionun Rusiyaya birləşdirilməsi ilə bağlı referendumun ildönümünə təsadüf edir.
Bildirilir ki, Putin Sevastopol qubernatoru Mixail Razvojayevlə görüşüb. Ona İncəsənət Məktəbi və “Tauric Chersonese” Muzey-Qoruğunun yaxınlığında yerləşən uşaq mərkəzi də təqdim olunub.
Səfərin planlarına əsasən, Putin “Tauric Chersonese” parkının birinci mərhələsini açacaq, mərasim zamanı ona layihənin tikintisinin gedişi barədə məlumat veriləcək.
Kremlin sözçüsü Dmitri Peskov daha əvvəl Putinin Krımla bağlı videokonfrans vasitəsilə tədbir planlaşdırdığını bildirib.
Yeganə
