“Ukraynada 17 milyon rus vardı, indi 4-5 milyon nəfərik”
İş adamı Andrey Purqin həm də “Donetsk Xalq Respublikası” Xalq Sovetinin sədridir. O, “ Die Presse” qəzetinə verdiyi müsahibədə bir sıra maraqlı etiraflarda bulunub. Bildirib ki, Ukraynanın şərqində özünü müstəqil elan edən respublikalarla Krım arasında müəyyən fərqlər var.
Andrey Purqin qəzetə özü haqqında bunları deyib: “Mən bu yaxınlarda siyasətçi oldum, ancaq mən siyasi texnoloq kimi ixtisaslaşmışdım. Siyasi proselərə təsir edə bilirdim, ictimai baxımdan fəal birisi kimi tanınırdım. Ukraynada məni radikal sayırdılar, haqqımda cinayət işi açmağa çalışırdılar”.
Onun sözlərinə görə, Krımla Ukraynanın şərqindəki separatçı bölgələr arasındakı əsas fərq ondadır ki, Krım Ukrayna ilə o qədər də bağlı deyildi və yetişmiş almaya bənzəyirdi. Birbalaca külək əsən kimi yerə düşdü. Donetsk və Luqansk isə mərkəzi Ukrayna ilə sıx bağlara malikdir.
“Bilirsiz, biz Rusiyanın bir hissəsiyik. Donbasın Rusiya ilə ciddi əlaqələri var. Biz istehsal etdiyimiz malları əsasən Rusiyada satırdıq. Slavyanski və Kramatorskdə olan fabriklərdə əsasən Rusiya bazarı üçün çalışır. Biz istəyirik ki, bu iqtisadi regionu bir araya gətirək və birləşdirək. Bu region süni şəkildə Rusiyadan qoparılıb”, iş adamı deyib. Jurnalist xatırladıb ki, Slavyanski və Kramatorsk Donbas və Luqansk “respublika”larından kənarda olan şəhərlərdir. Artıq özünü siyasətçi sayan Andrey Purqin deyib: “Vaxtı çatanda bu məsələni də həll edəcəyik ”.
Siyasətçi Ukraynada baş verənləri “milli-azadlıq hərəkatı” adlandırıb. Onun sözlərinə görə, Ukrayna artıq uzun müddətidi ki, rus xalqını məhv edirdi. 1991-ci ildə Ukraynada 17 milyon rus vardı. 2013-cü ildə isə özünü cəmi 4-5 milyonadam rus hesab edib. Rus nənə və babaların nəvələri birdən-birə ukraynalı oldular. Bu, etnik zəmində soyqırımdır. İndi isəregional müstəvidə Ukrayna soyqırım həyata keçirir.
Ukraynanın şərqindəki separatçı bölgələrin Rusiyaya daxilolmaq cəhdləri haqqında Andrey Purqin deyib: “Biz başadüşürdük ki, belə bir ehtimal o qədər də yüksək deyil. Mənreal siyasətin tərəfdarıyam. Rusiya beynəlxalq qanunlaraəsasən hərəkət edir. Həmin qanunlar isə reallıqları əksetdirmir. Dünya dəyişib. Qanunlar isə köhnədir. Biz Avropadayaşayırıq. Ancaq bizim şəhərlərə bombalar yağırdı. Və bütündünya bizim faciəni sükutla seyr edirdi”.
“Donetsk Xalq Respublikası” Rusiyadan ağır silahlar alıbmı sualına verilən cavab da maraqlı olub: “Bir neçə həftə əvvəl Ukrayna bizi Yer üzündən siləcəkdi. Avropa buna gözünü yummuşdu. Siz gözləyirdiz ki, Rusiyada buna göz yumsun və Ukrayna bizi məhv etsin. Bəli, Rusiya bizə yardım göndərdi. Ancaq bu yardım o vaxt çatdı ki, artıq axırımız bir şey qalmamışdı. Putin həmişə dediyi sözü tutdu. O, demişdi ki, biz vətəndaşlarımızın öldürülməsinə imkan verməyəcəyik. Ukrayna insan yaşayan əraziləri bombalayırdı. Bombardımandan sonra nə qədər insanlar qırıldı”…
Söhbətin sonunda isə Andrey Purqin deyib ki, bizim yeniyaranmış dövlətdə hələ ki, müxalifət yoxdur. Müharibə vaxtı müxalifət düşmən kimi bir şeydir. Bizdə hazırda iki partiyavar. “Donetsk Respublikası” və “Azad Donbas”. Ancaq biz “Azad Donbası” müxalifət hesab etmirik. Biz onlarla həmrəyik, bir yerdəyik…
Elbəyi Həsənli
Son şərhlər