Rusiyanın Sankt-Peterburq şəhərində Rusiya, Azərbaycan və Ermənistan prezidentlərinin görüşü başlayıb.
Üçtərəfli görüşdən öncə Ermənistan prezidenti Serj Sarkisyan Rusiyanın dövlət başçısı Vladimir Putinlə görüşüb. Sarkisyan münaqişənin həllində göstərdiyi dəstəyə görə, Putinə təşəkkür edib: “Bizim Qarabağla bağlı mövqeyimiz bəllidir. İstərdik ki, münaqişə sülh yolu ilə həll edilsin. Mən Minsk Qrupunun həmsədri ölkəsi kimi sizə bu məsələyə ayırdığınız diqqətə və səylərə görə təşəkkür etmək istəyirəm”.

Öz növbəsində isə Putin bütün məsələlər üzrə müzakirələr aparılacağına söz verib.

Bir qədər sonra isə Vladimir Putin Azərbaycan prezidenti İlham Əliyevlə görüşəcək.