Ermənistanın baş naziri Nikol Paşinyan İrəvandakı mitinqlərə sərt reaksiya verəcəyini vəd edib. Onun sözlərinə görə, aksiyaların təşkilatçıları iğtişaş yaratmaq istəyir, hakimiyyət qan tökülməsinin qarşısını almağa çalışır.
Elchi.az bu barədə “Sputnik Ermənistan” yazır.
O, hesab edir ki, idmançı və tələbələrdən ibarət mütəşəkkil qruplar iğtişaşlar yaratmağa çalışırlar.
“Bizdə olan məlumata görə, iştirakçılardan biri Ermənistanın keçmiş liderlərindən birinin oğlu ilə bağlıdır. Digərləri isə “Dağlıq Qarabağ”ın ən yüksək dairələrinə bağlı tələbələrdir. Amma kim olursa olsun, reaksiya çox sərt olacaq”, – deyə Paşinyan bildirib.
Onun fikrincə, təşkilatçılar İrəvan küçələrində qan tökülməsini istəyirlər. O, hüquq-mühafizə orqanlarının əməkdaşlarının sərt də olsa, qanun çərçivəsində hərəkət edəcəklərinə söz verib. Hakimiyyət vətəndaşları, hətta onları təhqir edənləri də sevir və onların başlarına nifrət uçqunu endirməyəcək”, – deyə o, yekunlaşdırıb.
Yeganə
Son şərhlər