“Azərbaycan Ordusunun Ermənistanın sərhədboyu təxribatlarına tutarlı, təxribatçı ölkəni sarsıdan cavabı təkcə erməniləri deyil, onların sözdə müsəlman himayəçilərini də təlaşlandırıb”.
Elchi.az xəbər verir ki, bu fikirləri siyasi şərhçi Elçin Mirzəbəyli FB hesabında qeyd edib:
“Mollakratiyanın muzdlu və könüllü aftafadaşıyanları gecə saatlarından etibarən, sosial şəbəkələrdə Azərbaycan əleyhinə ideoloji təxribat kampaniyasına başlayıblar. Üslub və yanaşmalardan bir üfürcəyə bənd söz yığınından ibarət mətnlərin Qum “üzərində” hazırlandıqları qətiyyən şübhə doğurmur. Deməli, özlərini müxtəlif gurultulu, ikrah və gülüş doğuran adlarla “tac”landıran zınqırovlu mollakratiya köpəkləri “vəliye fəqh” adlandırdıqları hansısa bəni-adəmdən gətirdikləri iqtibasla Azərbaycan sərhədlərində təxribat törədən, ərazi bütövlüyümüzə, sərhədlərimizin, mülki və hərbi vətəndaşlarımızın təhlükəsizliyinə təhdid yaradan düşmənə qarşı vuruşanların, bizi hədəfə alan amansız qatilləri susduranların həlak olacaqları təqdirdə “şəhid sayılmayacaqlarını” iddia edirlər. Bu taxtabaş ideoloji sürünənlərinin qənaətinə görə, Ermənistan özünün hesab etdiyi ərazilərdən – beynəlxalq hüquqa görə delimitasiya və demarkasiya edilməmiş ərazilərə dövlətlərarası sərhəd anlayışı tətbiq olunmur – müsəlman və qeyri-müsəlman azərbaycanlıların başına od yağdıra bilər, amma Azərbaycanın şərəfli əsgər və zabitlərinin başımıza od yağdıran həmin hərbi hədəfləri məhv etmələri “vəliye fəqhin fətvasına görə” doğri deyil. Çünki Vətən uğrunda həlak olacaqları təqdirdə “şəhid sayılmacaqlar”. İndi görün bu şərəfsizlərin ermənilərə olan sevgisi nə qədər böyükdür ki, müqəddəs dinimizin, kitabımızın, Peyğəmbərimizin (s) buyurduqları üzərindən belə alçaqcasına yalan danışa bilirlər.
Bu təpəgözlərin “məntiq”indən belə anlaşılır ki, islam tarixində müsəlmanların təhlükəsizliyinin təmin edilməsi məqsədilə edilən fəthlərin heç biri “dinimizin tələblərinə” uyğun deyil və bu yolda həlak olanlar da “şəhid sayılmırlar”. Yəni səlib yürüşləri zamanı müsəlmanlar öz sərhədləri daxilində evlərinə sığınıb gözləməliydilər ki, düşmən nə zaman gəlib onları qılıncdan keçirəcək… Tarixi bir kənara qoyaq, bu günümüzə nəzər salaq. Sual olunur, ay filan-filan şüdələr, əgər öz ana südü kimi halal torpaqları uğrunda savaşıb azğın düşməni susduran, Vətən uğrunda şəhid olan azərbaycanlılar sizin təbrinizcə “şəhid sayılmırlarsa”, o zaman sizin İraqda, Suriyada, Yəməndə və bir qayda olaraq, müsəlmanların yaşadıqları ölkələrdə müsəlmanlara qarşı terror törədərək gorbagor olanlarınızın Allah yanındakı “məqamı” nədir?
Elə bil bunların “vəliye fəqh”dir, nədir, bilmirəm, beyət etdiklərini cənnətin “sərhəd-keçid məntəqəsinə” rəis təyin ediblər və o da, gəlib-keçəni sorğu-sualdan keçirib “cənnət qəbzi” paylayır.
…Utanın, ölün… Bu nə həyatdır yaşayırsınız, ay bədbəxtlər? Bu müti, cahil qul təfəkkürü ilə sizin ermənilərin bir zamanlar Qarabağda, azərbaycanlılara məxsus məscidlərdə saxladıqları dordayaqlılardan fərqiniz nədir? Bu cəhalət deyil ki, nadan olduğunuzu düşünüb, “Allah hidayət etsin” deyib keçəsən. Bu şərəfsizlikdir, bu zındıqlıqdır, bu rəzalətdir! Əmin olun siz o dünyada da bu dünyada olduğu kimi “aftafa ömrü” yaşayacaqsınız…”.
Şayəstə
Son şərhlər