Oğurluqda təqsirləndirilən Yeni Zelandiya millət vəkili Golriz Ghahraman oğurluq etdiyi görüntülərin ortaya çıxmasından sonra hərəkətlərinə görə məsuliyyəti öz üzərinə götürərək istefa verib.
Elchi.az xəbər verir ki, Yeni Zelandiyada Yaşıllar Partiyasından olan deputat Golriz Ghahramanın Oklend və Vellinqtondakı mağazalardan üç dəfə oğurluq etdiyi məlum olub.
İşi ilə bağlı yaranan stressin onu xarakterdən kənar hərəkətlərə sürüklədiyini deyən Qəhrəman, “İnsanları məyus etdim. Üzr istəyirəm” -deyib.
Qəhrəman Oklenddəki dəbdəbəli butikdən dizayner çantası oğurlaması ilə bağlı təhlükəsizlik görüntüləri ortaya çıxdıqdan sonra hərəkətlərinə görə məsuliyyəti öz üzərinə götürüb və istefa verib.
İranda anadan olan 42 yaşlı Qəhrəman , “Məntiqli olmadığı üçün izah edə biləcəyim bir davranış deyil. Tibbi müayinədən sonra yaxşı olmadığımı anladım. Görüşdüyüm psixi sağlamlıq mütəxəssisi dedi ki, bu yaxınlarda davranış həddindən artıq stresdən və əvvəllər tanınmamış travmalarla əlaqəli idi.” -deyib.
Ailəsi ilə birlikdə İrandan gəlib Yeni Zelandiyaya sığınan BMT-nin keçmiş İnsan Haqları üzrə vəkili Qəhrəman 2017-ci ildə and içərək Yeni Zelandiya hökumətində vəzifəyə başlayan ilk qaçqın deputat olub.
Nuranə Məmmədova