Ermənistan hakimiyyəti “RT” telekanalının baş redaktoru Marqarita Simonyan və Rusiya Dövlət Dumasının MDB işləri, Avrasiya inteqrasiyası və həmvətənlərlə iş komitəsi sədrinin birinci müavini Konstantin Zatulinin ölkəyə girişinə qadağa qoyub. Oktyabrın 25-də Dövlət Dumasının deputatının rəsmi elektron poçtuna Ermənistanın Milli Məclisinin rəhbərliyi adından Zatulinin Ermənistan Respublikasına gəlməsinin “arzuolunmazlığı” barədə məktub gəlib.
M.Simonyan isə şəxsi Teleqram kanalında bu sözləri qeyd edib: “Uzun illərdir ki, Ermənistana şiddətlə dəstək verən Konstantin Zatulinə Ermənistanın indiki rəhbəri tərəfindən Ermənistana giriş qadağan edilib. Yeri gəlmişkən, mənə də eyni qadağa tətbiq edilib”,- deyə Simonyanın mesajında deyilir.
Respublikanın ikinci prezidenti Robert Köçəryanın blokunun oktyabrın 25-də yaydığı bəyanatda deyilir ki, Ermənistan hakimiyyətinin Dövlət Dumasının MDB işləri, Avrasiya inteqrasiyası və əlaqələr komitəsi sədrinin birinci müavininə qadağa qoyması barədə qərar qəbul edib. Konstantin Zatulinin həmvətənləri ilə ölkəyə daxil olması Ermənistan-Rusiya müttəfiqlik münasibətlərinə xələl gətirmək məqsədi daşıyır”.
Siyasi şərhçi Asif Nərimanlı Paşinyanın nə üçün Zatulin və Simonyanı hədəf seçməsinə münasibət bildirib. Elchi.az xəbər verir ki, A.Nərimanlı bununla bağlı sosial şəbəkə hesabında aşağıdakı fikirləri söyləyib:
“Ermənistan hakimiyyəti Zatulin və Simonyanın ölkəyə girişinə qadağa qoydu: Paşinyan komandası Zatulinə bildirib ki, “onun bəyanatları Ermənistana zərər vurur”, beləliklə, rusiyalı deputatın bundan sonra erməni maraqlarından danışması belə ciddi qəbul olunmayacaq, analoji hal Simonyana da aiddir;
Bununla Ermənistan Rusiya Dövlət Dumasında və mediasında ciddi gücdən imtina etdir. Paşinyanın bu addımının siyasi oriyentasiyasını Qərbə çevirməsi ilə bağlı olduğu bəllidir. Lakin niyə Zatulin və Simonyan?
-Zatulin Ermənistanın siyasi dairələri, xüsusilə Koçaryan-Sarkisyan komandası ilə yaxındır;
-Simonyanın rəhbərlik etdiyi media resursları Ermənistanın maraqlarını müdafiə etsə də, siyasi hakimiyyətə qarşı mövqedən çıxış edir və Nikolun rəqibləri üçün platforma rolunu oynayır;
Paşinyan anlayır ki, Rusiya maraqlarına bu qədər qarşı çıxdığı vaxt adekvat addımlarla üzləşəcək və bu addımlardan birinin də onun hakimiyyətdən devrilməsi ola biləcəyi istisna deyil. Bu təhlükəyə qarşı ilk tədbir də Kremlin emmisarlarını neytrallaşdırmaq oldu”.
Yeganə
Son şərhlər