Britaniya-Hollandiya neft-qaz şirkəti “Shell” 2023-cü ilin birinci yarısında mayeləşdirilmiş təbii qazın (LNG) hasilatını səkkiz faiz azaldaraq, 14,35 milyon tona çatdırıb . Qeyd olunur ki, azalma Rusiyada Saxalin-2 layihəsindən həcmlərin itirilməsi fonunda baş verib .
Elchi.az bu barədə TASS-a istinadən xəbər verir.
Shell birinci rübdə 7,19 milyon ton, ikinci rübdə isə 7,17 milyon ton LNG istehsal edib. Cari üçüncü rübdə bəzi müəssisələrdə planlı təmir işləri nəzərə alınmaqla şirkət 6,3-6,9 milyon ton LNG istehsal etməyi nəzərdə tutur. Shell-in LNG satışları da azalıb. 2023-cü ilin yanvar-iyun aylarında onlar iki faiz azalaraq bir il əvvəlki 33,5 milyon tondan 33 milyon tona düşüb.
Bundan əlavə, bu ilin ikinci rübündə neft-qaz nəhəngi xalis mənfəətini altı dəfə azaldaraq 18,04 milyard dollardan 3,134 milyard dollara endirib . Birdəfəlik faktorlar nəzərə alınmadan qazanc 5,073 milyard dollar təşkil edib ki, bu da Vara Research tərəfindən sorğu edilən analitiklərin orta proqnozundan təxminən yarım milyard azdır.
Nuranə Məmmədova
Son şərhlər