Oktyabrın 12-13-də Brüsseldə, alyansın qərargahında NATO-ya üzv ölkələrin müdafiə nazirlərinin görüşü keçiriləcək.
Elchi.az BBC.com-a istinadən bildirir ki, bu barədə qurumun saytında bildirilir.
Sessiyaya NATO-nun baş katibi Yens Stoltenberq sədrlik edəcək. Tədbir başlamazdan əvvəl baş katib mətbuat konfransı keçirəcək və burada görüşdə müzakirə olunan mövzular barədə danışacaq.
Ötən həftə o da məlum olub ki, Ukraynaya hərbi yardım üzrə “Ramşteyn formatı” təmas qrupunun beşinci görüşü sentyabrın 19-da Almaniyanın Ramşteyn Amerika aviabazasında baş tutacaq.
Bundan əvvəl Almaniyanın Ramşteyn aviabazasında Şimali Atlantika Alyansı ölkələri və onların müttəfiqləri tərəfindən Ukraynaya dəstək verən təmas qrupunun bir neçə görüşü baş tutub. Həmin görüşlərdə Kiyevə silah və hərbi texnikanın verilməsi müzakirə olunub. İlk danışıqlar 2022-ci ilin aprelində, sonuncusu isə bu ilin iyulun 18-də onlayn formatda aparılıb.
Əvvəlki görüşdə tərəflər Qərb təyyarələri ilə məşğul olacaq ukraynalı pilot, texnik və mühəndislərin hazırlanması məsələsini müzakirə ediblər. Həmin vaxt Ukraynanın müdafiə naziri Aleksey Reznikov dövlətlərdən hava hücumundan müdafiə (Hava Hücumundan Müdafiə) və RƏM sistemləri istəmək niyyətində idi.
Yeganə
