NATO Avropa ölkələrini silah istehsalını artırmağa çağırıb.
Elchi.az xəbər verir ki, Stoltenberq NATO-nun əhəmiyyətli dəstək aldığını bildirib. O, 6 ayda 10 milyard dollarlıq silah-sursat müqaviləsi bağlandığını açıqlayıb.
NATO-nun baş katibi Yens Stoltenberq bildirib ki, Rusiya və Avropa onilliklər boyu davam edə biləcək qarşıdurma qarşısındadır və Avropa iqtisadiyyatı daha çox silah və sursat istehsalına diqqət yetirməlidir.
Stoltenberq, “Bizim sənaye bazamızı daha tez təkmilləşdirməli və genişləndirməliyik”-deyib.
Sürətli istehsala keçidin vacibliyini vurğulayan baş katib Stoltenberq Rusiya-Ukrayna müharibəsinin daha uzun sürə biləcəyini şərh edib.
O, Qərb ölkələrinin həm istehsalda, həm də investisiyada Rusiyanı ötmək imkanlarına malik olduğunu bildirib.
Nuranə Məmmədova