Amerikalı sahibkar İlon Mask gələn həftə İsrailə səfər edə və prezident İsaak Hersoq və baş nazir Benyamin Netanyahu ilə görüşə bilər.
Elchi.az bu barədə Reuters.com-a istinadən xəbər verir.
Mask oktyabrın 7-də HƏMAS-ın işğalından ciddi zərər çəkən İsrailin Qəzza zolağı ilə sərhədində yerləşən cənub yaşayış məntəqələrinə də baş çəkə bilər. Son həftələr amerikalı milyarder dəfələrlə Yaxın Şərqdəki münaqişə və Qəzza zolağındakı vəziyyət barədə ictimaiyyətə danışıb.
Oktyabrın sonunda Mask “Starlink” peyk rabitəsi xidmətlərinin Qəzza zolağında yardım göstərən beynəlxalq səviyyədə tanınmış təşkilatlara təqdim ediləcəyini açıqladı. Daha sonra o bildirib ki, heç bir “Starlink” peyk terminalı Qəzza zolağından qoşulmağa cəhd etməyib.
Sahibkar həmçinin Qəzza zolağındakı münaqişə ilə bağlı “X”-nin məzmunundan əldə olunan gəlirləri İsrail xəstəxanalarına və fələstinlilərə tibbi yardım göstərən beynəlxalq humanitar təşkilatlara yönəldəcəyini vəd edib.
Yeganə
Son şərhlər