Macarıstanda milli sorğuda iştirak edənlərin 99 faizindən çoxu Budapeştin Ukraynadakı münaqişə ilə bağlı mövqeyini dəstəkləyib. Elchi.az xəbər verir ki, bu barədə Macarıstan hökumətinin rəsmi saytında məlumat verilib.
Sorğunun nəticələrinə görə, respondentlərin 99,32 faizi bildirib ki, Ukrayna münaqişəsinin həlli üçün silah tədarükü əvəzinə atəşkəs lazımdır. Eyni zamanda, 99,06 faiz hətta Macarıstan borclu olduğu pulu almayana qədər Ukraynaya dəstək üçün pul ödəməməlidirlər deyib.
Bundan əlavə, respondentlərin 99,29 faizi hakimiyyətin macar fermerlərinin maraqlarını müdafiə etmək və dempinq qiymətlərlə Ukrayna taxılının idxalının qarşısını almaq niyyətini dəstəkləyir, 99,02 faizi isə Ukraynanın Avropa İttifaqına daxil olması üçün uyğun şərtlərin olmaması ilə razılaşır.
Qeyd edək ki, bundan əvvəl Macarıstanın Xarici İşlər və Xarici İqtisadi Əlaqələr naziri Peter Siyarto bəyan edib ki, Ukrayna münaqişəsində macarlar da əziyyət çəkir. O xatırladıb ki, Ukraynada böyük bir macar icması yaşayır, onun üzvləri orduya cəlb olunur.
Havar Şəfiyeva