“Rəsmi statistikaya görə, Azərbaycanda 60 mindən çox əlilliyi olan uşaq var. Onlar həm təhsildə,həm də digər ictimai prosesslərdə öz həmyaşıdlarından geridə qalırlar. Bu uşaqlar daima başqalarının köməyinə ehtiyac duyurlar”-bu sözləri Elchi.az-a açıqlamasında Sosial Sahibkar Abdullayeva Yaqut deyib.
O yeni qüsurlu uşaqların doğulmaqda olduğunu təssüf hissi ilə qeyd edib:” Bu tək bizim ölkədə deyil, bütün dünyada belədir. Məqsədimiz fiziki, əqli, duyğu pozğunluğu olan uşaqları cəmiyyətə inteqrasiya etmək, onları sosiallaşdırmaqdır. Bununla da onların həyatında dönüş yaratmaq, digər həmyaşıdlarından fərqlənmədiklərini göstərməkdir. Hippoterapiya əlil şəxsin neyrofizioloji sistemlərinə təsir edir. Tarazlıq, koordinasiya, incə və kobud motor inkişafı, sinə əzələləri və tənəffüs, beyindəki nitqin inkişafı , sensor inteqrasiya mərkəzləri üzərində hərəkət edərək hiss təşkilatının inkişafına töhfə verir. Hippoterapiya atın köməyi ilə müalicə deməkdir. Hippoterapiya zamanı dəri, oynaqlar, əzələlər, gözlər, qulaqlar və burundakı reseptorlardan hissiyyat beyinə daha asan həzm oluna bilən və başa düşülən formada ötürülür. Beləliklə informasiya inteqrasiyası asanlaşır. Geniş sensor giriş məlumatlığı və diqqət müddətini artıra bilir, bu da inkişaf üçün imkanlar yaradır.
Məqsədimiz Əlil uşaqları hippoterapiya dərslərindən faydalandırmaqdır. Bu üsulun Azərbaycanda ilk olduğunu nəzərə alaraq daha geniş auditoriya çıxmaq, onları sosiallaşdırmaq, cəmiyyətə inteqrasiya etməkdir. Eyni zamanda cəmiyyətə də onları ölkənin eyni hüquqlu vətəndaşı kimi qəbul etdirməkdir”.
Hippoterapiya dərsini keçmək üçün bir necə atçılıq klublarında olduğunu dilə gətirən Yaqut Abdullayeva onlardan yalnız birini- Buzovna qəsəbəsində yerləşən “Murad’S Farm”ı seçdiyini qeyd edib:
“Burada dərslər üçün bizə həftədə iki dəfə iki saat vaxt ayrıldı.”Dost”inklüziv inkişaf və yaradıcılıq mərkəzi ilə memorandum imzalayıb benefesiarlara hippoterapiya dərslərini başladıq.
Bu atçılıq klubunda bizə ayrılan vaxt çox azdır, bu dərslərdən yararlanmaq istəyənlər çox olduğu üçün onları qəbul edə bilmirik.
Fəaliyyətimizə heç bir dövlət qurumundan dəstək görməmişik”.
Havar Şəfiyeva
Son şərhlər