Rusiyanın xarici işlər naziri Sergey Lavrov Cənubi Koreyanı Şimali Koreya ilə gərginliyi artırmaqda ittiham edib.
Elchi.az bu barədə Kommersant.ru-ya istinadən xəbər verir.
Nazir hazırda Pxenyanda rəsmi səfərdədir və bu gün onu Şimali Koreya lideri Kim Çen In qəbul edib. Lavrov xarici işlər naziri Ço Sun Hu ilə danışıqlar aparıb.
“Şimali koreyalı dostlarımız kimi biz də ABŞ, Yaponiya və Cənubi Koreyanın burada hərbi fəaliyyətini aktivləşdirməsindən ciddi narahatıq. Seulun bəyanatlarına gəlincə, bu, burada gərginliyin artmasının amillərindən biridir”, – deyə Sergey Lavrov “Kommersant”ın Cənubi Koreyanın Rusiya ilə KXDR arasında artan qarşılıqlı fəaliyyətlə bağlı həyəcan təbili çalması ilə bağlı sualını cavablandırarkən deyib.
“Mən artıq üçlü ittifaqın yaradılmasını qeyd etdim: ABŞ, Cənubi Koreya, Yaponiya, burada hərbi potensial, o cümlədən nüvə komponentləri toplamaq üçün yaradılır. Bu, burada gərginlik yaradır. Cənubi Koreyalı tərəfdaşlarımız həyəcan təbili çalmaq əvəzinə, yəqin ki, bu planları dəyişməli və Şimal-Şərqi Asiyada sülh və təhlükəsizlik üzrə danışıqları bərpa etmək də daxil olmaqla, fərqli mövqe tutmalıdırlar. Bu gün nazir həmkarımızla müzakirə etdiyimiz kimi, Rusiya və DXR Çin kimi danışıqların bərpası üçün heç bir ilkin şərt olmadan dialoqun tərəfdarıdırlar”, -deyə Lavrov bildirib.
Yeganə
Son şərhlər