Kanadanın Britaniya Kolumbiyası əyalətində meşə yanğınlarının sürətlə yayılması ilə əlaqədar fövqəladə vəziyyət elan edilib. Bu il ölkə daxilində baş verən meşə yanğınlarında indiyədək 14 milyon hektar ərazi külə dönüb.
Elchi.az İHA-ya istinadən xəbər verir ki, Kanada meşə yanğınları ilə mübarizə aparır. Britaniya Kolumbiyası əyalətində sürətlə yayılan McDougall Creek meşə yanğını Trader Cove ərazisində və West Kelowna ətrafında bir çox evi yandırıb. Alovlar kurort ərazisinə də keçib.
“Bu il biz ştatın indiyə qədər gördüyü ən pis meşə yanğınları mövsümünü yaşadıq. Son 24 saat ərzində vəziyyət sürətlə dəyişib və yaxın günlərdə son dərəcə çətin vəziyyətlə üzləşəcəyik. Sürətlə dəyişən bu şərtləri nəzərə alaraq, biz fövqəladə vəziyyət elan edirik”-deyə ştatın baş naziri David Ebi bildirib. Dövlət fövqəladə hallar naziri Bowinn Ma, 15 min insanın təxliyəsi üçün göstəriş verildiyini söylədi.
McDougall Creek yanğını 24 saat ərzində 64 hektardan 6800 hektara qədər yayıldığı üçün təxliyələr başlayıb. Bir çox insan evlərini tərk etdi. Alovun yaxınlaşdığı Kelowna şəhərində səhiyyə işçiləri qocalar evlərindən qocaları təxliyə edib.
Nuranə Məmmədova
Son şərhlər