Ermənilərin, suryanilərin və havadarlarının arzuları ürəklərində qaldı
İsveç hökuməti 1915 hadisələriylə əlaqədar erməni iddiaları və süryanilər haqqında 2010-cu ildə parlamentdə qəbul olunan qərarın həyata keçirilməsini məqbul saymadı və bu mövzuyla əlaqədar müstəqil ekspertlərin araşdırmasından asılı olaraq necə hərəkət edəcəyi bildirildi. Yəni bu mövzu bir neçə illiyə təxirə salındı. Ermənilərin, suryanilərin və bu yöndə xüsusi ilə canfəşanlıq edən PKK-lıların arzuları yenə də ürəklərində qaldı.
İsveç Xarici İşlər Nazirliyinin sözçüsü Erik Boman, baş nazir Stefan Lövfenin bir neçə gün əvvəlki sözlərini xatırladaraq, 1915-ci ildəki hadisələrin müstəqil bir qurum tərəfindən araşdırılmasından sonra çıxan nəticəyə görə hərəkət ediləcəyini dilə gətirdi.
Bununla əlaqədar Xarici İşlər Nazirliyinin artıq işə başlatdığını söyləyən spiker Boman, xalqlar arasında sülh əldə olmasını istədiklərini və İsveç parlamentində 2010-cu ildə qəbul edilən qərarı dondurduqlarını bildirdi. Boman, ”bu mövzuda ediləcək araşdırma bitmədən heç bir qərar qəbul etmək doğru deyil” deyərək vurğuladı. 100 il əvvəl yaşanmış bir faciə üçün araşdırma aparılmadan parlament qərarı ilə bir ölkənin “soyqırım tətbiq etdiyinin elan edilə bilməyəcəyini” ifadə edən Boman mütəxəssis tarixçilərin ətraflı araşdırmasından sonra qəti bir qərara gəlinəcəyini qeyd etdi.
Əlbəttə ki, İsveç hökumətinin bu qərarı, ölkədəki erməni və süryani lobbiləri və onların havadarları arasında xəyal qırıqlığına səbəb oldu. Neçə illərdir hazırlaşdıqları kampaniya fiaskoya uğradı. İsveç dövlət televiziyası SVT-yə danışan İsveç Süryani Federasiyası başçısı Afra Yakoub, baş nazir Stefan Löfvenin sentyabrda keçirilən seçkilərdən əvvəl söz verməsinə baxmayaraq mövzu haqqındakı geri addımı və 24 aprel tədbirlərində iştirak etməməsinin bu toplumu çox məyus etdiyini dilə gətirdi. Yakoub, ”soyqırım” qərarının da təxirə salınmasından suryani və ermənilərin narazı qaldıqlarını söylədi.
İsveç parlamentindəki qərar, 2010-ci ildə müxalifətdə olan Sosial Demokrat Partiyası ilə Yaşıllar Partiyasının birgə layihəsi olaraq bir səs fərqlə qəbul edilmişdi. Daha əvvəlki sağ koalisiya hökumətinin baş naziri Fredrik Reynfeld və xarici işlər naziri Carl Bildt, qərarın kağız üzərində qalmasını təmin etdi. Bu da Erməni və Suryani lobbilərinin təpkisinə səbəb olmuşdu.
Rahim Sadıqbəyli, Stohkolm, musavat.com üçün
Son şərhlər