İsraillə Hizbullah arasında gərginlik İsrailin şimalında, Livan sərhədində artmaqdadır. İsrail Hizbullahdan sərhəddən çəkilməsini tələb edib. Hökumət sözçüsü “Ya Hizbullah İsrail sərhədindən çəkiləcək, ya da biz özümüz çəkiləcəyik”- deyib.
Elchi.az bu barədə “CNN Türk”ə istinadən xəbər verir.
“Hizbullah İrandakı kukla ustalarının rəhbərliyi və dəstəyi ilə fəaliyyət göstərir. Biz istənilən təcavüz aktının qarşısını almağa və onlara cavab verməyə davam edəcəyik. “Və əgər Hizbullah İsraili genişmiqyaslı müharibəyə sürükləmək qərarına gəlsə, biz bundan qaçmaq üçün hər şeyi edirik, Livan illərcə çətin vəziyyətdə qalacaq”.
İsrail qüvvələrinin Qəzza zolağına amansız hücumları davam edərkən, Livan sərhədində gərginlik pik həddə çatıb.
İsrail rəsmiləri ardıcıl açıqlamalarla müharibəni yeni cəbhəyə aparmağa hazır olduqlarını açıqladılar. Müharibə kabinetinin üzvü Benni Qantz da Hizbullaha xəbərdarlığı təkrarlayıb. “Şimal sərhədindəki vəziyyət dəyişikliyi tələb edir. Siyasi tənzimləmə üçün qum saatı tükənmək üzrədir. Əgər dünya və Livan hökuməti şimal yaşayış məntəqələrini atəşə tutmağı dayandırmaq və Hizbullahı sərhəddən uzaqlaşdırmaq üçün hərəkətə keçməsə, İsrail ordusu bunu edəcək”.
Hizbullahın ehtiyat əsgərlər də daxil olmaqla ümumilikdə 60 min döyüşçünün olduğu və raket ehtiyatının hazırda 150 minə yüksəldiyi düşünülür.
Təhlilçilər böyük arsenalı və minlərlə təcrübəli döyüşçüsü olan Hizbullahın İsrail üçün HƏMAS-dan qat-qat ciddi təhlükə yaratdığına diqqət çəkirlər.
Nuranə Məmmədova
Son şərhlər