İsrail qüvvələri işğal altındakı İordan çayının qərb sahilinin müxtəlif bölgələrində keçirdiyi reydlər zamanı 2 fələstinlini yaralayıb, 15 nəfəri isə nəzarətə götürüb.
Elchi.az xəbər verir ki, İşğal altındakı İordan çayının qərb sahilinin şimalında yerləşən Nablusda yerli səlahiyyətlilərdən alınan məlumata görə, İsrail qüvvələri Belde Beyt Qaçqınlar Düşərgəsinə basqın edib.
Bölgə sakinləri ilə İsrail qüvvələri arasında baş verən hadisələrdə 2 fələstinli həqiqi güllələrdən yaralanıb, onlarla insan isə atılan qazdan zərər çəkib.
Oxşar hadisələr İordan çayının qərb sahilində yerləşən Beytlehem yaxınlığındakı Ayide qaçqın düşərgəsində də baş verib.
Şahidlərdən alınan məlumata görə, İsrail qüvvələri düşərgəyə basqın edərək fələstinlilərə qarşı canlı güllə və gözyaşardıcı qazla müdaxilə edib.
Fələstinli Məhbuslar Klubu tərəfindən edilən yazılı açıqlamada, “İsrail ordusu İordan çayının qərb sahilinin bəzi qəsəbə və şəhərlərində 15 fələstinlini nəzarətə götürüb”. ifadələrdən istifadə edilmişdir.
İsrail qüvvələri işğal altındakı İordan çayının qərb sahilində və Şərqi Qüdsdə tez-tez evlərə basqın edərək fələstinliləri müxtəlif ittihamlarla həbs edir.
Fələstinlilərlə basqınlara reaksiya verən İsrail əsgərləri arasında ara-sıra toqquşmalar baş verir.
Şayəstə Hüseynova
Son şərhlər