İsrail Qəzza zolağında ağ fosforlu sursatlardan istifadə edərək hücumlarını artırıb. Elchi.az xəbər verir ki, bu barədə Fələstin Daxili İşlər Nazirliyinin Telegram kanalında dərc olunan bəyanatında deyilir.
“Son 48 saat ərzində işğalçılar beynəlxalq səviyyədə qadağan olunmuş ağ fosforlu bombalardan istifadəni gücləndirib”, – idarənin bəyanatında deyilir.
Nazirlik bildirib ki, ötən gecə ən yüksək fosfor səviyyəsi əş-Şati düşərgəsində qeydə alınıb ki, bu da zəhərli qaz buludlarının yaranmasına və yanğınların başlanmasına səbəb olub.
Qeyd edək ki, bundan əvvəl Fələstinin BMT-dəki diplomatik missiyasının rəhbəri İbrahim Kraişi İsraili Qəzza zolağına hücumlarda ağ fosfordan istifadə etməkdə ittiham edib.
Havar Şəfiyeva
