İran xarici işlər naziri müavini Əmir Abdulaxiyan Kobaniyə yardım edilməsindən
danışıb.
danışıb.Avropa.info-nun məlumatına görə, nazir müavini Suriyanın ərazi bütövlüyün və milli birliyinin özləri üçün əhəmiyyətli olduğunu bildirib:
“Kobaniyə kömək etmək Suriyanın daxili işlərinə qarışmasına səbəb olmamalıdır” – deyib.
Abdulaxiyan bildirib ki, əcnəbilərin Kobaniyə girişi Suriyanın parçalanmasına yol açacaq və bu barədə İrana ciddi xəbərdarlıqlar edilib.
Abdulaxiyan həmçinin ABŞ-ı da beynəlxalq hüquqa zidd tələsik tədbirlər görməkdə günahlandırıb. Və bunun regionda terrorun yayılmasına gətirib çıxardığını bildirib.
İranın böyük dəstək verdiyi Əsəd rejimi, Türkiyəni peşmərgəyə ərazisindən keçdiyinə icazə verdiyi üçün tənqid edib və bildirib ki, Türkiyənin bu addımı Suriyanın bütövlüyünü təhdid edir.
Əsəd rejimi də Türkiyənin davranışını utancverici adlandırıb.
Qeyd edək ki, peşmərgə qoşunlarıni və ağır silahları daşıyan maşın konvoyu 28 oktyabrda gecə saatlarında Habur sərhəd qapısından Türkiyəyə daxil olub. Digər peşmərgə briqadası isə təyyarə ilə Şanlıurfa rayonuna gəlib. Hər iki qrup Türkiyənin Suriya sərhədindəki Şanlıurfa rayonunda görüşüb.
Kobaniyə girmək üçün gözləyən peşmərgə qoşunlarından 10 nəfərlik bir komanda ön sahə çalışması üçün Kobaniyə girib.
Azad Suriya Ordusu komandirlərindən Abdülcabbar Aktı də, çərşənbə günü Azad Suriya Ordusundan 200 nəfərin Türkiyədən keçərək Kobaniyə girdiyini açıqlayıb.
Son şərhlər