İnsanlar nədən ölür?

Ümumdünya Səhiyyə Təşkilatı hər il bütün dünyada ölüm statistikasını aparır. Son nəticələr 2015-ci ilə aiddir.

2016-cı ilin məlumatları cari ilin sonunda hazır olacaq.

Statistika göstərir ki, 2015-ci ildə bütün dünyada 56 400 000 insan ölüb. Ölümün əsas 10 səbəbi  bunlardır:

1-2. Ürəyin işemik xəstəliyi və insult. Son 15 il ərzində bu ölümün ən birinci səbəbidir. 2015-ci ildə insult və ürəyin işemik xəstəliyindən 15 milyon insan ölüb.

3. Aşağı nəfəs yollarının infeksiyaları

2015-ci ildə bu infeksiyalar 3,2 milyon insanın həyatını alıb.

4. Xroniki obstruktiv ağciyər xəstəliyi (XOAX) – 3,2 milyon.

Bu xəstəlik əsasən siqaret çəkən insanlarda inkişaf edir.

5. Ağciyər xərçəngi

Buna mütəxəssislər həmçinin bronxlar və traxeya xərçəngini aid edirlər – 1,7 milyon. Bu xəstəliyin də əsas risk faktoru siqaret çəkməkdir.

6. Şəkərli diabet – 1,6 milyon.

Mütəxəssislər qeyd edir ki, ildən ilə bu xəstəliyə tutulan insanların sayı artır. Son 30 il ərzində bu xəstəliyə tutulma halları 4 dəfə artıb.

7. Alsgeymer xəstəliyi (demensiya)

Son 15 il ərzində bu xəstəliyə tutulan insanlaın sayı 2 dəfə artıb. Demensiyadan ölən insanların sayı şəkərli diabetdən ölən insanların sayına yaxınlaşır.

8. Diareya xəstəlikləri (ishal) – 1,4 milyon.

9. Vərəm – 1,4 milyon.

10. Yol-nəqliyyat hadisələri – 1,3 milyon. Ölənlərin 76%-i kişilərdir.(saglamolun.az)

Elchi.az